nemese Qytai - Qazaq janjaly kımderge tiımdı?
1..AQŞ-ta tūratyn dissident, ūiǧyr halqynyŋ ūlt-azattyq küresınıŋ jetekşısı - Rabiia Qadyr hanymǧa tiımdı!
Ol būl küreske özderınıŋ derbes memleketı bar qazaqtardy aralastyra alsa, onda ūiǧyrlardyŋ ūlt-azattyq küresı qytai memleketınıŋ ışkı emes, halyqaralyq deŋgeidegı mäselege ainalar edı! Rabiia hanymnyŋ armany - ūiǧyr ūltynyŋ basyndaǧy otty qazaqtyŋ basyna auystyru! Būl üşın ol baryn salyp, öte jaqsy daiyndyq jasaǧan eken. Özınıŋ kinofabrikasynda jasalynǧan, jan türşıgerlık neşe türlı videorolikterdı, qytaidaǧy «saiasi üirenu mektebınde» bolyp jatqan azaptau oqiǧalary dep, älemge, äsırese Qazaqstanǧa aqparat taratyp, ony qytaidaǧy qazaqtardyŋ taǧdyrymen bailanystyra alǧany - Rabiia hanym kütkendei nätije berdı dep oilaimyn! Dälelı - qazaq qoǧamyndaǧy bügıngı oryn alǧan dürbeleŋ! Äsırese oŋai jazylmasy belgılı - oralman, jergılıktı bolyp qazaqtardyŋ ekıge jarylǧany men ūltymyzdyŋ abzal aqsaqaldary, ūltşyldaryna jaǧylǧan küie! Mūny Rabiia hanymnyŋ Qazaqstan bilıgıındegı adamdary men qazaq qoǧamyna aldyn ala daiyndalǧan, tamaşa saiasi tehnologiiamen engızılgen - jaldamaly belsendılerı ürlep örşıtıp otyrdy. Osynyŋ saldarynan, tıptı qūjattaryna «qazaqpyn» dep jazuǧa kelısken ūiǧyrdyŋ bärın elımızge qabyldai bereiık degen qazaqtar da şyqty. Al būǧan soŋǧy uaqytta paida bolǧan «säbi saiasatkerlerdıŋ» pärmendı atsalysulary men jaǧdaidan beiqabar qarapaiym köpşılıktıŋ eşteŋe tüsınbei qoldai ketuı - memleketımızdı şynymen-aq qauıpke tırep qoiuy äbden mümkın. Osyndai köpşılıktıŋ eşteŋe tüsınbei bıreulerdı qoldai ketuı saldarynan qazaq müddesıne kereǧar - jaŋa Jer Kodeksı qabyldanyp ketkenı belgılı.
2. AQŞ-qa tiımdı.
Olardyŋ Qazaqstanǧa degen qyzyǧuşylyǧy Qyrǧyzstandaǧy AQŞ «Manas» äskeri-aua bazasy jabylǧannan keiın, eselep östı. Ämerikanyŋ endıgı armany - Qazaqstanda qazırgı Siriiadaǧydai jaǧdai ornatyp, soǧan pärmendı türde «Ädıl bi» retınde qoian-qoltyq aralasu! Osy jaǧdaida, «ekı qarsylasynyŋ ekı büiırıne qanjarynyŋ üşyn taqap qoiyp», Qytaiǧa qysymyn arttyrsa, Reseige degenın jasatu!
3. Reseige tiımdı!
Qazaq qytaidan qorqyp, orystyŋ qoltyǧyna, öz erkımen, kırer edı. Bügıngı belaruster siiaqty.
4. Tıptı, būndai jaǧdai, qytaidyŋ özıne de tiımdı!
Täjıkstannyŋ Tauly-Badahşan aimaǧy siiaqty Qazaqstannyŋ Almatyǧa deiıngı jerın özderıne qosyp alatyn mümkındık tuuy ǧajap emes!
Mıne, qarap otyrsaq, qytai-qazaq janjaly neşe bır alpauyt memleketterge tiımdı eken! Onda nege olar būl janjaldy osy uaqytqa deiın jasamady? Ämerika - qazaqty demokratiialyq el eteiın, Qytai - qazaqty bai körşı eteiın, al Resei - būrynǧy adal dos dep, jany aşyp otyr ma? Joq!
Olardyŋ bırde-bıreuınde özderınıŋ dıttegen maqsattaryna tolyq jete alamyn degen kepıldıgı ǧana joq! Mıne, qazaqty qūtqaryp otyrǧan osy ǧana!
Tap bügıngı sätte bızge eŋ qauıptısı - Rabiia hanymnyŋ oiyny! Būl jaǧdaida joǧaryda jazylǧan üş memlekette bır-bırın aiyptai almaidy! Bastaǧan olar emes. Ol kezde bastaǧan - qazaqtyŋ özı bolady! Üşeuı de öz «enışterın» alyp qalady. Sondyqtanda, būl üş memlekettıŋ barlau qūrylymdary, jaǧdaidy syrttan baqylap, aralaspai, beitarap otyr. Bolmasa, Rabiia hanymnyŋ separatistık äreketın joia salu olarǧa tükke tūrmaidy. Al bızdıŋ barlau qūrylymdarymyz üşın halyqaralyq ortaşa quatty separatistık top - alynbaityn qamal eken! Būl bızdıŋ jemqorlyqpen äbden şırıgen jüiemızdıŋ qorǧanu därejesınıŋ körsetkışı!
Geroihan Qystaubaev
