Memleket basshysy Qasym-Jomart Toqaev Qytaı Halyq Respýblıkasyna memlekettik saparmen bardy, - dep habarlaıdy "Adyrna" tilshisi Aqordanyń baspasóz qyzmetine silteme jasap.
Sapar barysynda Memleket basshysy QHR Tóraǵasy Sı zınpınmen kelissózder júrgizedi, onyń ishinde strategııalyq áriptestikti odan ári nyǵaıtý, saýda-ekonomıkalyq, ınvestıııalyq, kólik-logıstıka jáne energetıka salalaryndaǵy yntymaqtastyqty keńeıtý, sondaı-aq mádenı-gýmanıtarlyq baılanystardy tereńdetý máseleleri qarastyrylatyn bolady.
Aqordanyń baspasóz qyzmeti Qazaqstan Prezıdentiniń áýejaıdaǵy kezdesýiniń sýretin taratty.
Qasym-Jomart Toqaevty qytaılyq mektep oqýshylary qarsy aldy.
«18 mamyrda Memleket basshysy Qytaıdyń iri kompanııalarynyń basshylarymen kezdesip, memlekettik saparlar baǵdarlamasy aıasynda birqatar is-sharalar ótkizedi, sondaı-aq Almatyda Qazaqstannyń logıstıkalyq ortalyǵynyń qurylysyn iske qosý rásimine qatysady», - dep habarlady Memleket basshysynyń baspasóz qyzmeti.
19 mamyrda Qasym-Jomart Toqaev Ortalyq Azııa-Qytaı sammıtine qatysady. Sondaı-aq Sıan qalasyndaǵy elimizdiń Bas konsýldyǵynyń saltanatty ashylýyna qatysý josparlanýda.
Eske salaıyq, 12 mamyrda Qytaı telearnasyna Qasym-Jomart Toqaevtyń suhbaty jarııalanǵan bolatyn. Budan keıin prezıdent Ortalyq Azııa elderiniń Qytaımen jaqyndasýyna qatysty keıbir azamattardyń alańdaýshylyǵyna toqtaldy.
