Oblys äkımı Nūrlybek Nälıbaev Jalaǧaş audanyna jūmys sapary kezınde temırjol köpırınıŋ ırgetasyn qalau räsımıne qatysty.
Jalpy temırjol ötkelı – jalaǧaştyqtardy köpten berı tolǧandyrǧan mäselenıŋ bırı. Aimaq basşysy audan tūrǧyndaryn jaŋa qūrylystyŋ bastaluymen qūttyqtady.
«Memleket basşysy Qasym-Jomart Kemelūly: «Asa maŋyzdy mäselelerdıŋ bırı – auyldy keşendı türde damytu. Auyldarǧa naqty qoldau körsetıp, zamanaui infraqūrylymdy damytuymyz kerek» – degen bolatyn. Prezidentımız ben Ükımettıŋ Syr öŋırın erekşe qoldauynyŋ arqasynda aimaǧymyzda auqymdy jobalar jüzege asuda. Kent ortalyǧynan Däuımbai eldı mekenıne temırjol arqyly ötetın jaiau jürgınşılerge būl mäsele qiyndyq tuǧyzyp kelgen edı. Jalaǧaş kentın ekıge bölıp jatqan temırjoldyŋ bergı betınde 9 myŋ, arǧy jaǧynda 6 myŋdai halyq qonystanǧan. Osy tūstan poiyz ötkende jaiau jürgınşıler üşın öte qauıptı. Halyqtyŋ ötkel salu turaly sūranysy nazarǧa alyndy. Kent tūrǧyndarynyŋ ekı jaqqa qatynauyndaǧy qiyn tüiın osylaişa şeşılmek», – dedı Nūrlybek Maşbekūly.Is-şara barysynda audandyq ardagerler keŋesınıŋ töraǧasy Sadyq Äliev jerlesterın jaŋa ötkeldıŋ ırgetasy qalanuymen qūttyqtady. Aita keteiık, merdıger «Gülnūr MK» jauapkerşılıgı şekteulı serıktestıgı qūrylys jūmystaryn 7 ai ışınde aiaqtaudy josparlauda. Qūny 328,7 mln. teŋge bolatyn köpırdıŋ ūzyndyǧy 55 metrdı qūraidy. Aspaly köpırge qozǧalu mümkındıgı şekteulı adamdarǧa arnalǧan şahtalyq lift ornatylady. Eske salsaq, aimaq basşysy künı keşe Aral audanynda da temırjol köpırınıŋ ırgetasyn qalau räsımıne qatysty. Oblys ortalyǧyndaǧy Ǧ.Mūratbaev jäne Iаssaui köşelerınıŋ qiylysynda da temırjol arqyly ötetın jaiau jürgınşıler köpırı salynuda. Oǧan qosa «Bäiterek» yqşam audanynda «Qyzyljarma» kanaly arqyly ötetın köpır qūrylysy jürgızılude. Ärı qarai aimaq basşysy Jalaǧaş kentı M. Şämenov köşesındegı kürdelı jöndeu jūmystarymen tanysty. Joba qūny 359,1 mln. teŋge, merdıger mekeme – «Qyzylorda joldary» JŞS. Qazırgı taŋda köşenıŋ eskı asfalt jabyndysy qyrylyp, tas töselgen, jaiau jürgınşıler jolynyŋ bordiurlary salynuda. Biyl Jalaǧaş audanynyŋ Myrzabai ahun, Eset batyr auyldarynda därıgerlık ambulatoriianyŋ qūrylysy bastalmaq. Audandaǧy avtomobil joldarynyŋ sapasyn jaqsartu üşın 2023 jylǧa 2,2 mlrd. teŋge bölındı. «Auyl – el besıgı» baǧdarlamasy şeŋberınde jalpy qūny 559 mln. teŋgenı qūraityn, ūzyndyǧy 9,5 şaqyrym bolatyn 6 köşe jöndeuden ötkızılude. Aqsu, M.Şämenov auyldaryna gaz tartu jūmystaryn bastauǧa 40 mln. teŋge qarjy bölınıp, memlekettık satyp alu räsımderı jürgızılude. Jobanyŋ jalpy qūny 1,2 mlrd. teŋgenı qūraidy.
