Jazuşy-dramaturg Duman Ramazan «Jūldyz» jurnaly men Jazuşylar odaǧynyŋ Dramaturgiia keŋesındegı qyzmetterın aiaqtaǧanyn mälımdedı, dep habarlaidy «Adyrna» tılşısı.
«Jaŋa ädılettı Qazaqstan qūramyz dep jariiaǧa jar salyp jatyrmyz ǧoi. Soǧan senıp, Qazaqstan Jazuşylar odaǧynyŋ töraǧasyn sailau ädıl ötetın şyǧar dep oiladyq. Qatelesıppız. Qalai ötkenın özderıŋız kördıŋızder... Ony qaitalap jatudyŋ özı artyq. Bolary boldy, boiauy sıŋdı. Är adamnyŋ öz ömır süru daǧdysy, özındık közqarasy, tanym-tüsınıgı, ömırlık ūstanymy bolady. Azamattyq abyroi-bedelı men adamdyq däreje-märtebesı de sonymen ölşenedı. Sol sebeptı de Qazaqstan Jazuşylar odaǧyndaǧy bar qyzmetımdı tapsyryp berıp, jūmystan şyǧu turaly aryzymdy jazyp kettım»,—dedı ol.Aituynşa, jaŋa töraǧa Mereke Qūlkenov qairatkerge būdan da joǧary qyzmet ūsynǧan.
«Aǧamyzǧa myŋ alǧys, būrynǧy qyzmetımnen de joǧary qyzmet ūsyndy. Rahmet aittym. Jalpy Mereke aǧamyzben keiıngı bır jylda bırge qyzmet ıstedık. Äi-şai desken joqpyz. Aǧa-ınılık qarym-qatynas jasadyq. Sondyqtan da bolar: – Jaqsylap oilan! – dedı. – Oilandym! – dep qysqa qaiyrdym. Būl ar-ūiatymnyŋ taŋdauy. Tüsınıstıkpen qararsyzdar»,—dedı jazuşy.Sondai-aq Duman Ramazan eşkımge ökpe-renışınıŋ joq ekenın jetkızdı.
«Būnymen ömır toqtap qalmaidy. Adamda prinsip boluy kerek. Eşkımge de ökpe-renışım joq. Aitysyp-tartyspaimyn. Öz maqsat-mūratym, oi-josparym bar. Soǧan jetu üşın talpyna beremın, tynbai eŋbektene beremın. Bır ǧana eskerterım: eşqandai intriga men topqa qosylmaimyn. Eşkımnıŋ üstınen aryzdanbaimyn. Ärine, tuǧanymdai aralasatyn, jaqyn tartatyn aǧa-bauyrlarym, qalamdastarym, aralas-qūralas adamdarym bar. Solarmen bolaşaqta da tyǧyz qarym-qatynas jasai beremın. Odaqtaǧy qyzmetımnen ketsem de, ädebietten ketpeimın ǧoi. Eŋ bastysy, basymyz aman, denımız sau bolsyn! Barşaŋyzǧa baq tıledım!»—dep tüiındedı ol.
Ūqsas jaŋalyqtar
