MİNİSTR BŪRYNǦY REKTORDY «PATŞA» DEP AIYPTADY
Äuelgı sūraqty Rinat Zaiytov qoidy. Ol universitettegı professor Arap Espembetov bastaǧan oqytuşylar narazylyǧyn eske salyp, ministrden būrynǧy rektor Erdembekovtyŋ qyzmetten alynu sebebın tüsındırudı sūrady. Deputat «Onyŋ ary qarai jūmys ısteuıne ne kedergı bolyp otyr?» dep sūraqty ministrge tötesınen qoidy.Qazırgı ministr Mäjılıs mınberınen būrynǧy rektordy «patşa» dep aiyptaǧan kezınde jiyndy basqaryp otyrǧan Mäjılıs töraǧasynyŋ orynbasary Daniia Espaeva replika da bıldırmedı, eskertu de jasamady. Al būǧan deiın äleumettık jelıde «Bauyrjan Erdembekov sailau aldynda «Amanat» partiiasynyŋ müşelıgınen şyǧyp ketken» degen mälımet taraǧan. Ministrdıŋ parlament mınberınde «Ökınışke qarai sailaudyŋ kezınde bırneşe basşylyq tarapynan zaŋnamaǧa qarsy şyǧaratyn äreketter boldy» degen sözı älgı mälımettı rastai tüskendei äser bergen. Qyzmetten ketken rektor Bauyrjan Erdembekov mamyrdyŋ 18-ınde özınıŋ äleumettık jelıdegı paraqşasynda post jariialap ministrdıŋ degenderıne jauap jazypty. «Amanat» partiiasynan şyqqanymmen, zaŋǧa qaişy eş äreket jasamadym» degen Erbembekov «ony kez-kelgen jerde däleldei alamyn» dep otyr.Deputattyŋ saualyna ministr «Şäkärım universitetıne keletın bolsaq, būl jerde jaǧdai qiyn. Bız öz şeşımımızdı qabyldadyq. Ökınışke qarai sailaudyŋ kezınde bırneşe basşylyq tarapynan zaŋnamaǧa qarsy şyǧaratyn äreketter boldy. Ekınşıden, universitettıŋ damu josparynda bırneşe körsetkışter tolyqqandy jüzege asyrylmaǧan. Endı bız rektorlardy qataŋ baǧalaityn bolamyz. Är universitet özınıŋ damu josparyn bekıtedı jäne bız ony da qataŋ baqylaityn bolamyz. Mysaly būryn rektor şyny kerek öz betımen... bır endı patşa boldy ǧoi. Özınıŋ jospary bar, bıraq ony eşkım baqylamai... Endı ony qataŋ qadaǧalauda ūstaityn boldyq. Bolaşaqta oǧan da ūsynys jasaityn bolamyz. Ol bızdıŋ kadrlyq rezervte bolady», - dep jauap berdı.
«Menı 2023 jylǧy 13-şı aqpandaǧy Respublikalyq komissiianyŋ hattamasy negızınde şyǧaryp otyr. Al endı «universitettıŋ damu josparynda bırneşe körsetkışterde tolyqqandy jüzege asyrylmaǧan» degen mäselenı rektordyŋ esebıne qatysty aityp otyrǧan bolsa, ol esep 07.05.2023 j. uaqytta boldy. Būl mäsele jūmystan şyǧarylǧan būiryqqa tıptı qatysy joq, ministrdıŋ kemşılıktı jamai bereiın degen oiy bolsa kerek. Şäkärım universitetı strategiialyq indikatordy oryndauda, universitetter ışınde aldyŋǧy qatarda ekenıne komissiia da, küllı ministrlık te kuä ǧoi. Ärine, kemşılık tabam dese, älgı būiryqqa jamaimyn dese, qazbalasa tabady ǧoi, bıraq mäsele basqada...» - dep jazǧan būǧan deiın Aqtöbede de universitet basqarǧan Bauyrjan Erdembekov.
AKSİONER QYZMETKERINIŊ QANDAI ZAŊDY BŪZǦANYN AITA ALMADY
Mäjılıstegı otyrystan keiın Ǧylym jäne joǧary bılım ministrınen «Jaŋa sız «Basşylyq tarapynan sailau kezınde bırqatar zaŋnamalyq būzuşylyqtar boldy» dep aittyŋyz. Naqty qandai zaŋ būzyldy?» dep sūradyq. - Bızdıŋ ministrlık kez-kelgen baǧynysty mekemelerdıŋ jalǧyz aksionerı retınde Eŋbek kodeksınıŋ aiasynda qol qoiylǧan eŋbek şartynyŋ negızınde kez kelgen rektormen, (bır närsenı tüsınu kerek, rektor ol – qyzmetker) eŋbek şartyn būzuǧa qūqyǧymyz bar. Bız sol qūqyqty paidalandyq. - Rektordyŋ qyzmetten alynuyn «Amanat» partiiasynan şyǧumen bailanystyrǧandar boldy. Atalǧan azamattyŋ qyzmetten bosatyluy saiasi sebepke bailanysty emes pe? - Būl – bızdıŋ aksioner retınde qoldanǧan qūqyǧymyz. Endı sol qyzmetker eŋbek zaŋnamasynyŋ aiasynda sotqa beruge qūqyly. - Aksioner retınde kez-kelgen rektordy qyzmetten alyp tastai alasyzdar ma? - Zaŋ boiynşa ondai qūqyǧymyz bar. Konkursty zaŋdy türde Direktorlar keŋesı 18 mamyr künı jariialaidy. Onyŋ zaŋdy türde öz proseduralary bar. Qatelespesem, 15 künnıŋ ışınde tapsyrady. Osy Direktorlar keŋesı bekıtkennen keiın respublikalyq komissiiaǧa talapkerlerdıŋ barlyǧy şaqyrylady. Respublikalyq komissiiada olar sūhbattasudan ötedı. Respublikalyq komissiianyŋ şeşımımen rektordy bız taǧaiyndaimyz. Ǧylym jäne joǧary bılım ministrı Saiasat Nūrbektıŋ Semeidegı Şäkärım universitetı rektory Bauyrjan Erdembekovtıŋ qyzmetten alynuyna bailanysty tüsındırgenı osy boldy.SAIаSAT NŪRBEKTIŊ SAIYPQYRAN SHEMASY
Universitet rektoryn Direktorlar keŋesı 3 jylǧa taǧaiyndaidy. Ministr ony kez-kelgen uaqytta taǧaiyndap nemese alyp tastai almaidy. Bıraq Bauyrjan Erdembekovtyŋ qyzmetten quyluyna saiasi jaǧdai sebep bolyp otyrǧan sekıldı. Öitkenı onyŋ kezektı märte rektor bolyp taǧaiyndalǧanyna älı 3 jyl tolǧan joq. Jurnalister ministrden «Bauyrjan Erdembekovtyŋ qyzmetten alynuyna onyŋ «Amanat» partiiasynan şyqqany sebep boldy ma?», «Sailau kezınde naqty qandai zaŋnama būzyldy?» dep bır emes, bırneşe ret sūraq qoidy. Bır qyzyǧy ministr totyqūs sekıldı bır sözdı jüz ret qaitalaumen boldy. Özge sūraqqa 5-10 minut kölemınde jauap bergen Saiasat Nūrbektıŋ rektorǧa qatysty sūraqqa naqty jauap bermegenı qalai? Mūnyŋ sebebı tereŋde eken. Mäselen, Saiasat Nūrbek «Direktorlar keŋesı şeşedı» dep otyrǧan keŋeske 5 adam müşe. Direktorlar keŋesınıŋ töraǧasy – Ǧylym jäne joǧary bılım vise-ministrı Quanyş Erǧaliev. Onyŋ qūramyna täuelsız direktor retınde Oljas Säkenov, Erbol Moldaqasymov, Nazerke Ötemjarova, Baltabek Mūqaşev kırgen. Bır qyzyǧy direktorlar keŋesıne bır kezde Saiasat Nūrbek basqarǧan “BTS Education” JŞS ekı qyzmetkerı müşe bolǧan. Mysaly, Oljas Säkenov “BTS Education” JŞS bılım beru jobalarynyŋ menedjerı bolsa, Erbol Moldaqasymov «BTS Digital» JŞS-da keŋesşı, bılım beru ortalyǧynyŋ zertteu jetekşısı bolǧan. Soŋǧy atalǧan kompaniiany da būryn Saiasat Nūrbek basqarǧan. Respublikalyq keŋeste şeşım qabyldanady, Direktorlar keŋesı ärmen qarai şeşım qabyldaidy. Universitettıŋ Direktorlar keŋesı tüsınıktı, al Respublikalyq keŋes qaidan şyqqan, onyŋ yqpaly, qūramynda kımder bar - bärı tüsınıksız. Al osyndaǧy universitettıŋ direktorlar keŋesınde Saiasat Nūrbekke tıkelei qatysy bar üş adam otyruy qanşalyqty zaŋǧa sai? Mūnyŋ arty oqu ordasyn ministrdıŋ qaltasyndaǧy universitetke ainaldyryp jıbermei me eken? Būl lobbizm emes pe?
Cerık Joldasbai