"Ministrlerdıŋ öŋırlerge saparynan halyq köbınese habarsyz qalady". Būl pıkırdı bügın Ükımet otyrysynda QR Aqparat jäne qoǧamdyq damu ministrı Darhan Qydyrälı mälım ettı, dep jazady "Adyrna" ūlttyq portaly inbusiness.kz-ke sılteme jasap.
"2022 jyldyŋ qorytyndysy boiynşa ministrlerdıŋ halyqpen kezdesuın taldau jūmystary myna mäselelerdı körsettı. Ministrlerdıŋ öŋırlerdegı halyqpen kezdesuındegı maŋyzdy şaralar: kezdesulerdı jariialau, mäselelerdı aldyn ala jinaqtau, brifingter, azamattardy jeke qabyldau, kommersiialyq emes ūiymdarmen kezdesuler jäne problemalyq mäseleler boiynşa ıs-qimyl josparyn daiyndau. Keibır ortalyq atqaruşy organdar atalǧan talaptardy tolyq saqtamaǧany anyqtalyp otyr", – degen ministr naqty sandarǧa toqtaldy.Onyŋ aituynşa, 2022 jyly köşpelı kezdesuler aiasynda ministrler 216 jeke qabyldau ötkızıp, 1498 azamattyŋ aryz-şaǧymyn tyŋdaǧan.
"Kezdesude 1679 problemalyq mäsele köterılıp, onyŋ 1241-ı nemese 74%-y şeşıldı. Al 438-ı memlekettık organdardyŋ oryndauynda. Atalǧan ıs-şaralardyŋ oŋ äserı men nätijelı bolǧanyn atap ötkımız keledı. Mäselen, Oqu-aǧartu ministrınıŋ halyqpen kezdesu qorytyndysy boiynşa, memlekettık mektepterde oquşylardy tamaqtandyru qaǧidalaryna özgerıster engızıldı", – dedı ministr.Sonymen qatar, Soltüstık Qazaqstan oblysynda Işkı ıster ministrınıŋ kezdesuı nätijesınde jergılıktı sport mektebı "Dinamo" dene şynyqtyru-sport qoǧamynyŋ qamqorlyǧyna alyndy.
"Būl rette, azamattar men BAQ ministrlerdıŋ öŋırlerge sapary jergılıktı BAQ-ta keŋınen jariialanbaitynyn, halyqtyŋ köbınese habarsyz qalatynyn eskergen jön. Kestege säikes, 2022 jylǧa 227 kezdesu josparlanǧan, onyŋ 55-ı bırınşı jartyjyldyqqa, 172-sı ekınşı jartyjyldyqqa mejelengen. Nätijesınde 2022 jyly (mamyr-jeltoqsan kezeŋınde) barlyǧy 212 kezdesuler ötkızıldı. Ministrlerdıŋ halyqpen kezdesulerıne jürgızılgen salystyrmaly taldau jūmystary ekınşı jartyjyldyqta kezdesu qarqyny 2,3 ese öskenın körsettı", – dedı Aqparat jäne qoǧamdyq damu ministrı.
"Adyrna" ūlttyq portaly
Ūqsas jaŋalyqtar
