Bul el tarıhynda mańyzdy kún. Bir ǵasyrdan soń Mustafa Shoqaıdyń úsh móri eline oraldy. Qaıratkerdiń úsh móri Astanadaǵy 51-shi Mustafa Shoqaı atyndaǵy mektebiniń mýzeıine 19-shi mamyr kúni tapsyryldy, dep habarlaıdy "Adyrna" ulttyq portaly ǵalym Álııa Saǵymbaevanyń paraqshasyna silteme kórsete otyryp.
Qýanyshty jańalyqty ǵalym Álııa Saǵymbaeva súıinshiledi.
- 1921-1941 jyldary Shoqaı qoldanǵan mórdi zaıyby Marııa 1947 jyly rýhanı balasy Álim Almatqa amanattaǵan. Álim Almat Túrkııada 40 jyl saqtap, qartaıǵan soń, 1997 jyly shoqaızertteýshi Baqyt Sadyqova apamyzǵa bergen. Baqyt Sadyqova apamyz sol jádigerlerdi 26 jyl kóziniń qarasyndaı saqtap, 2023 jyly sáýir aıynda Shoqaı urpaǵy Gúlbarshyn Zaıyrovaǵa tapsyrdy. Gúlbarshyn babasynyń úsh mórin resmı túrde mektep mýzeıine tabystady, - dep jazdy ǵalym.
Mórdi saltanatty túrde tapsyrý jıynyna «Mustafa Shoqaı» zertteý eńbeginiń avtory, Túrkııadaǵy Mımar Sınan kórkemóner ýnıversıtetiniń professory, tarıh ǵylymynyń doktory, shoqaıtanýshy Ábdiýaqap Qara, qoǵam qaıratkeri, saıası ǵylymdarynyń doktory, fılosofııa ǵylymdarynyń kandıdaty, professor Ábdijálel Bákir, jýrnalıst, PhD doktory Alma Saılaýqyzy, qoǵam qaıratkeri, "Qara shańyraq" jobasynyń quryltaıshysy Turar Sáttarqyzy, Mustafa Shoqaı urpaqtary, Ulttyq mýzeı, Ulttyq kitaphana qyzmetkerleri, zertteýshi ǵalymdar, bilim berý salasynyń ókilderi qatysty.
"Adyrna" ulttyq portaly
