Shymkenttik polıeıler áleýmettik jelige monıtorıng júrgizý barysynda birqatar oǵash áreketterdi anyqtady. Onyń arasynda belgisiz adamnyń qala kósheleriniń birinde Opel Astra avtokóligine ıt baılap, ony súırep bara jatqany taspalanǵan beınejazba bar. Kóligimen "ıt jetektegen" júrgizýshige hattama toltyryldy, dep habarlaıdy "Adyrna" ulttyq portaly.
Áleýmettik jelidegi vıdeolardy súzgiden ótkizý barysynda polıııa qyzmetkerleri erekshe ádispen "ıt jetektegen" júrgizýshini anyqtady.
«Jedel basqarý ortalyǵynyń ınspektorlary «Qorǵaý» qosymshasynyń kómegimen kóliktiń qozǵalǵan orny men júrgizýshiniń jeke basyn anyqtady. Ol Túrkistan oblysynyń turǵyny bolyp shyqty. Derekter Ál-Farabı aýdandyq PB-ǵa joldandy», - dep jazdy IIM-nen.
Kóligimen ıt súıregen adamnyń sózinshe, ol kóship jatqan. Avtokóliktiń salonynda ıtke oryn bolmaǵandyqtan, ony kólikke baılaýdy uıǵarǵan.
Júrgizýshige qatysty ÁQBtK-niń 407-2-baby boıynsha ákimshilik hattama toltyryldy. Jınalǵan materıaldar mamandandyrylǵan ákimshilik sotqa jiberiledi.
Er adammen profılaktıkalyq túsindirme jumystary júrgizildi.
"Adyrna" ulttyq portaly
