Ülken Almaty şatqalyn aralauǧa ketken Australiia azamatynyŋ qaita oralmaǧany belgılı boldy, dep habarlaidy "Adyrna" ūlttyq portaly respublikalyq jedel qūtqaru jasaǧynyŋ baspasöz qyzmetıne sılteme jasap.
1995 jyly tuǧan Australiia azamaty 21 mamyrda Ülken Almaty şatqalyna qarai ketken. Sodan oralmaǧan. Būl turaly polisiia departamentıne er adammen bırge kelgen Resei azamaty habarlaǧan.
"Australiialyq azamatty soŋǧy ret ärıptesterı körgen. Joǧalǧan er adamnyŋ dos qyzynyŋ aituynşa, joǧalǧan adam ekeuı turistık saparmen Almatyǧa 20 mamyrda keşke kelgen. Saǧat taŋǧy 7-de turister qaita ūşyp ketuı kerek bolǧan. Qyz äuejaiǧa jalǧyz kelgen, sol jerde er adamdy kezdestıremın dep oilaǧan. Alaida australiialyq azamat sol küiı oralmaǧan", - deidı vedomstvo.
Turistı ızdeuge 6 adamnan tūratyn respublikalyq jedel-qūtqaru jasaǧynyŋ (RJQJ) qūtqaru toby jäne 1 kinologiialyq top jıberıldı. 23 saǧat 40 minutta olar ızdeuge kırıstı. 2 saǧat 40 minutta RJQJ qyzmetkerlerı men polisiia departamentınıŋ qyzmetkerlerı Ǧaryş stansiiasyna deiın köterılıp, betkeilerdı tekserdı. Sol maŋdaǧy Ülken Almaty kölınıŋ jaǧalauyn da jıtı qarap şyqqan.
Alaida avstraliialyq azamat sol küiı tabylmaǧan. Izdeu şaralary kezınde Almatydaǧy aua raiy da qolaisyz bolǧan.
"Saǧat 10.45-te Ülken Almaty özenıne qūtqaruşylardyŋ taǧy bır toby keldı. 10 adam saǧat 11:15-te Ǧaryş stansiiasynan ızdeudı jalǧastyrdy. Qūtqaruşylar ekı topqa bölındı: bıreuı Aiusai şatqalyna, ekınşısı Prohodnoe şatqalyna kettı", - deidı RJQJ baspasöz qyzmetı.
"Adyrna" ūlttyq portaly
