Keshe, 14 naýryzda, Facebook, Instagram jáne WhatsApp jumysynda búkil álem boıynsha aqaý oryn aldy. Ázirge atalǵan áleýmettik jeliler men messendjerdiń jumysynda aqaý týyndaýyna ne sebep bolǵany belgisiz.
Facebook úshin bul kompanııanyń tarıhyndaǵy eń úlken aqaý boldy. Sársenbi kúniniń basym bóliginde jeli istemedi, dep jazady Stan.kz.
Kompanııa sońǵy ret mundaı qıyndyqqa 2008 jyly tap bolǵan edi. Ol kezde jeliniń 150 mıllıon qoldanýshysy bar edi. Búginde Facebook jelisiniń 2,3 mlrd-qa jýyq qoldanýshysy bar.
«Facebook kompanııasynyń qosymshalaryn paıdalanǵan kezde keı adamdarda qıyndyqtar paıda bolyp jatqanynan habardarmyz. Bul qıyndyqtardy barynsha jyldam sheshý úshin jumys jasap jatyrmyz», - delinedi kompanııanyń habarlamasynda.
Facebook jelisiniń negizgi paraqshasy ashylǵanymen, kóptegen qoldanýshy jazba jarııalaı almaı jatqanyn aıtyp shaǵymdanǵan.
Al Instagram qoldanýshylary jańalyqtar taspasyn jańartyp, jańa fotosýretter jarııalaı almaǵandaryn aıtty.
Tanymal áleýmettik jelilerdiń jumysyn qadaǵalaıtyn Downdetector servısiniń málimetinshe, atalǵan jelilerdegi aqaýlar álem boıynsha oryn alǵan.
Stan.kz
