Bügın «AMANAT» Töraǧasy Erlan Qoşanov partiia janyndaǧy respublikalyq keŋesterdıŋ jaŋa töraǧalarymen jiyn ötkızdı. Ol mūndai keŋester partiianyŋ negızgı dialog alaŋdary ekenın atap ötıp, amanattyqtardyŋ aldynda tūrǧan bırqatar maŋyzdy mındettı belgılep berdı. Is-şara partiianyŋ öŋırlık filialdarynyŋ qosyluymen beinekonferensbailanys rejimınde öttı.
Söz basynda Erlan Qoşanov keŋesterdıŋ negızgı maqsatynyŋ bırı – Prezident pen partiianyŋ sailaualdy baǧdarlamalarynyŋ oryndaluyna tūraqty monitoring jürgızu ekenın atap öttı.
Söz basynda Erlan Qoşanov keŋesterdıŋ negızgı maqsatynyŋ bırı – Prezident pen partiianyŋ sailaualdy baǧdarlamalarynyŋ oryndaluyna tūraqty monitoring jürgızu ekenın atap öttı.
«Salalyq keŋesterdıŋ tiımdılıgın tübegeilı arttyryp, būl jūmysqa partiianyŋ jaŋa jaqtastaryn, sarapşylar men qoǧamdyq pıkır köşbasşylaryn tartu kerek. Bızdıŋ keŋester qoǧamdy tolǧandyrǧan taqyryptardy anyqtap, uaqytyly köterıp otyruy, problemalyq nysandarǧa baruy, olarǧa qatysty şeşım şyǧaryp otyruy tiıs. Būl partiialyq qūrylymdardyŋ jūmysyn jandandyruǧa jäne «AMANAT»-tyŋ ärbır müşesınıŋ sailaualdy mındettemelerdı oryndau kezındegı jeke jauapkerşılıgın arttyruǧa mümkındık beredı», – dedı partiia Töraǧasy.Erlan Qoşanov partiia qyzmetınıŋ aşyqtyǧy men jariialyǧy qanşalyqty maŋyzdy ekenıne jeke toqtaldy.
«Mäjılıstegı «AMANAT» fraksiiasy är toqsan saiyn ortalyq memlekettık organdardyŋ sailaualdy uädelerdı oryndau aiasyndaǧy respublikalyq jol kartasyn jüzege asyru jönındegı esebın tyŋdap otyrady. Jariia talqylau aşyqtyqty qamtamasyz etedı jäne uäkılettı ministrlıkterdıŋ şeşım qabyldau kezındegı jauapkerşılıgın arttyrady. Sondyqtan öŋırlerde jergılıktı atqaruşy organdardyŋ osyndai tyŋdaularyn ūiymdastyru qajet. Osy oraida, sailaualdy uädelerdıŋ oryndaluyna monitoring jürgızu maqsatynda keŋester men fraksiialardyŋ özara ıs-qimylyn qamtamasyz etudı tapsyramyn», – dedı partiia Töraǧasy. Otyrys barysynda Erlan Qoşanov partiianyŋ Saiasi keŋesı Biurosynyŋ şeşımımen taǧaiyndalǧan «AMANAT» janyndaǧy keŋesterdıŋ jaŋa basşylaryn tanystyrdy.Osylaişa, Partiialyq baqylau komitetıne – Pavel Kazansev, Ekologiialyq keŋeske – Bauyrjan Smaǧūlov, Öŋırlık damu jönındegı keŋeske – Berık Beisenǧaliev, Ekonomika, sifrlandyru jäne innovasiialardy damytu mäselelerı jönındegı keŋeske – Ekaterina Smyşliaeva, Agrarlyq sektordyŋ mäselelerı jönındegı keŋeske – Nūrjan Äşımbetov, Jastardy qoldau jönındegı keŋeske – Nartai Särsenǧaliev basşylyq etetın boldy. Sonymen qatar, Erlan Sairov – Sybailas jemqorlyqqa qarsy ıs-qimyl jönındegı keŋeske, Jūldyz Süleimenova – Bılım jäne densaulyq saqtau mäselelerı jönındegı keŋeske, Amanjol Ältai – Azamattyq qoǧam men mädeniettı damytu jönındegı «Miras» keŋesıne, Dinara Zäkieva – Otbasy jäne halyqty äleumettık qorǧau mäselelerı jönındegı keŋeske jetekşılık etudı jalǧastyrady. Öz kezegınde, Sybailas jemqorlyqqa qarsy ıs-qimyl jönındegı keŋes töraǧasy Erlan Sairov aldaǧy jūmys josparymen bölıstı.
«Bızdıŋ basty maqsatymyz – sailaualdy uädelerdıŋ barlyǧyn jüzege asyru. Al naqty bızdıŋ keŋeske qatysty aitatyn bolsam, Memleket basşysynyŋ elden zaŋsyz şyǧarylǧan kapitaldy qaitaru jönındegı tapsyrmasyn oryndauǧa barynşa küş saluymyz kerek. Öŋırlerde biurokratiia men proteksionizm älı de saqtalyp otyr. Bızdıŋ keŋesterımız osy jäne özge de özektı mäselelerdı şeşuge atsalysuy tiıs. Partiiaǧa degen senım deŋgeiı osy jūmystyŋ oryndaluyna bailanysty bolmaq», – dedı ol.Bılım jäne densaulyq saqtau mäselelerı jönındegı keŋes töraǧasy Jūldyz Süleimenovanyŋ aituynşa, keŋes jūmysynyŋ arqasynda Türkıstan oblysyna qarasty auyldardaǧy 45 mektepke kürdelı jöndeu jürgızu mäselesı şeşıldı. Sonymen qatar, keŋes müşelerı Ūlttyq ǧylymi onkologiialyq ortalyqtyŋ jaŋa ǧimaratyn salu üşın biudjet qarajatyn böluge atsalysty.
«Är azamat äleumettık jaǧdaiyna nemese tūrǧylyqty jerıne qaramastan sapaly bılım aluǧa mındettı. Būdan bölek, densaulyq saqtau salasyna da nazar audaryp kelemız. Iаǧni, därı-därmektıŋ qoljetımdılıgın arttyru, auyl medisinasyn damytu jäne bılıktı jas mamandardy tartu baǧytynda jūmys ıstep jatyrmyz», – dedı ol.Öz kezegınde, Pavlodar oblysyndaǧy ekologiialyq keŋestıŋ töraǧasy İrina Chidunchi memlekettık organdarmen kerı bailanys ornamai otyrǧanyn, atap aitqanda keŋes joldaǧan hattardyŋ 80%-na nemqūraily jauap qaitarylatynyn aitty. Al Türkıstan oblysyndaǧy otbasy jäne halyqty äleumettık qorǧau mäselelerı jönındegı keŋestıŋ töraǧasy Jaŋabai Aǧabekov amanattyqtar jedel äreket etu toptary arqyly «Baqytty otbasy» jobasy aiasynda ömırdıŋ qiyn jaǧdaiyna tap bolǧan öŋırdegı otbasylarǧa kömek körsetetının atap öttı. Jiyn qorytyndysynda «AMANAT» Töraǧasy Erlan Qoşanov partiianyŋ Ortalyq apparaty men öŋırlık filialdardyŋ aldyna jūmysty küşeitu boiynşa bırqatar naqty mındet qoidy. Aita keteiık, byltyr respublikalyq keŋesterdıŋ 56 otyrysy ötıp, onda 91 mäsele qaraldy. Memlekettık organdarǧa arnalǧan 584 ūsynym äzırlendı. Sondai-aq, komitetterdıŋ 23 otyrysy ötkızılıp, onda 52 mäsele qaraldy jäne 59 ūsynym daiyndaldy. Öŋırlık deŋgeidegı keŋester 5,6 myŋnan astam otyrys ötkızıp, onda 11,2 myŋǧa juyq mäsele qaraldy. Respublikalyq deŋgeidegı keŋester sany 14-ten 10-ǧa deiın, al öŋırlık deŋgeide – 1700-den 379-ǧa deiın qysqardy.
