Aqtóbe oblysy Qobda aýdanynda mektep-ınternat 9 aı boıy zańsyz jumys istegen. Bul týraly oblystyq prokýratýranyń baspasóz qyzmeti aıtty, dep habarlaıdy «Adyrna» tilshisi.
Basqarmanyń málimdeýinshe, onda aýyldyq jerlerden kelgen 15 bala bilim alǵan.
«Internat qyzmeti jalpy bilim berý mekemesiniń janynda uıymdastyrylǵanymen, onyń quryltaı qujattarynda múldm kórsetilmegen.
Mektep jáne mektep janyndaǵy ınternat oqýshylaryna arnalǵan ishki tártip erejeleri zańdy kúshterin joıǵan quqyqtyq aktiler negizinde ázirlengen.
Sonymen qatar, ınternat ǵımaraty ýákiletti organdardyń sanıtarlyq-epıdemıologııalyq jáne órt qaýipsizdigi talaptaryna sáıkestigi týraly qorytyndysyz paıdalanylǵan»,—delingen habarlamada.
Vedomstvo prokýrorlyq qadaǵalaý aktisimen barlyq kináli laýazymdy tulǵa jaýaptylyqqa tartylǵanyn aıtty. Sondaı-aq bilim bólimi mektep-ınternattyń jumys isteýine qajetti barlyq ruqsat qujattaryn alýǵa ótinim joldaǵan.
