Aılyq tabysy kúnkóris deńgeıinen tómen tulǵalarǵa ataýly áleýmettik kómek berý áli kúnge jalǵasyn tabýda. Qazirgi tańda atalmysh járdemaqyny Almaty oblysynda 7252 otbasy aldy.
Bıyl dál osy baǵytta bıýdjetten 65,9 myń adamǵa 5,2 mlrd. teńge qarastyrylǵan. Búgingi kúni 1530,2 mln. teńgesi ıgerilip úlgerdi.
Sonyń ishinde, ústimizdegi jyly memlekettik ataýly áleýmettik kómek alýshylar qataryndaǵy 1 jastan 6 jasty qosa alǵanǵa deıingi 13240 balaǵa 596,8 mln. teńge qarastyrylǵanyn atap ótken abzal.
Sońǵy derekterge súıensek, 1 mamyrdaǵy jaǵdaı boıynsha 1 jastan 6 jasqa deıingi 12605 balaǵa 189,8 mln. teńge kóleminde qosymsha tólem tólendi.
