Auyldaǧy aǧaiynnyŋ aiynyŋ oŋynan tuuyna ükımette at salysyp jatyr. Halyqtyŋ tabysyn arttyrudyŋ bıryŋǧai tetıgı jasaqtalyp, memleket basşysy Qasym-Jomart Toqaevtyŋ tapsyrmasyna säikes, ötken jyldyŋ säuır aiynda halyqtyŋ tabysyn 2025 jylǧa deiın arttyru baǧdarlamasy bekıtılgen edı. Bas qūjattyŋ aiasynda eldegı bas partiia «Amanat» ükımetpen bırlesıp, «Auyl Amanaty» jobasyn qolǧa alǧan bolatyn.
Auyl şaruaşylyǧy tauaryn öndıruşılerdı jan-jaqty qoldau, auyl tūrǧyndaryn atalmyş salada käsıp bastauyna barynşa tartudy közdegen būl baǧdarlama Almaty oblysynda da jüzege asuda.
Ükımette säuırde bekıtılgen būiryqqa säikes, Almaty oblysy äkımdıgı qazan aiynda «Halyqtyŋ tabysyn arttyru jobasyna qatysatyn basqarmalar men audandardyŋ tızbesın bekıtu turaly» № 327 qaulysyn qabyldaǧan edı. Jalpy, qaita tülegen oblysta «Auyl Amanaty» auyl halqynyŋ tabysyn arttyru baǧdarlamasyna Eŋbekşıqazaq, Kegen, Raiymbek, Balqaş, Jambyl, Ūiǧyr audandary men 102 auyldyq okrug jäne 134 eldı meken qatysady dep josparlanǧan edı.
Almaty oblysy auyl şaruaşylyǧy basqarmasynyŋ mändetın atqaruşy Koiumchan Omarovtyŋ aituynşa, är audan boiynşa jūmys komissiialary, al auyldyq okrugterde nesie aluşylardyŋ ötınışterın bastapqy jinau jäne öŋdeu boiynşa jūmys toptary qūrylǧan.
Jauaptylardyŋ sözıne süiensek, biylyǧy jylǧa oblysqa «Auyl Amanaty» jobasy aiasynda 8,3 mlrd. teŋge qarjy bölıngen. Onyŋ ışınde, 2,3 mlrd. teŋge negızgı soma bolsa, 6,0 mlrd. teŋge qosymşa bölıngen qarjy.
«Auyl Amanaty» - öŋırdıŋ äleuetın jaqsartuǧa baǧyttalǧan bıregei baǧdarlama. Almaty oblysy halqynyŋ basym bölıgı auyldy jerde tūratyndyqtan bız üşın orasan zor paidasy timek. Mäselen, jobany ıske asyru kezınde ösımdık şaruaşylyǧyndaǧy jalpy önım 1%-ǧa, mal şaruaşylyǧyndaǧy 3%-ǧa jäne tehnika men jabdyqtar parkın jaŋartu 4%-ǧa ūlǧaiady dep kütılude. Būl jospar oryndalsa, şaruaşylyqta önımdılık artyp, , oŋ dinamika saqtalmaq», - deidı Koiumchan Avanūly.Aita ketu kerek, baǧdarlama bes negızgı baǧyt boiynşa jüzege asyrylady. Jauaptylardyŋ aituynşa, oblys kölemınde barlyq audandardan 5 baǧyt boiynşa 22,8 mlrd. teŋgege 3 955 ötınım tüsken. Qazırgı taŋda naqty 4,4mlrd. teŋgenı qūraityn 891 jobaǧa qūjat ötkızılgen. Aldaǧy uaqytta Almaty oblysynda auyl tūrǧyndary auyl şaruaşylyǧy kooperativterı qūramynda käsıpterın damytu üşın jeŋıldetılgen nesie alu közdelude. Bügıngı künı oblysta «Auyl Amanaty» jobasynyŋ şeŋberınde 3 auyl şaruaşylyǧy kooperativı tırkelgen, qosymşa taǧy 19 kooperativ qūru josparlanuda.
