Almaty oblysynda 697,7 myŋ adam jūmyspen qamtylǧan

Almaty oblysynda eŋbek naryǧyndaǧy jaǧdai tūraqty. 2022 jyly jūmyssyzdyq deŋgeiı 4,7% qūrady. Almaty oblysy jūmyspen qamtudy üilestıru jäne äleumettık baǧdarlamalar basqarmasy 2021-2022 jyldardaǧy eŋbek naryǧynyŋ körsetkışterıne  monitoring jürgızgen.  Taldau nätijelerı  jekelegen audandardyŋ ışkı eŋbek naryǧynda belgılı bır mäselelerdıŋ i bar ekenın körsettı. Mäselen, 2022 jyly jūmyssyzdyqtyŋ jalpy deŋgeiı Kegen - 5,7%,  Raiymbek - 5,6%, Balqaş-5,4%, Ūiǧyr audandarynda -5,2% jäne Qonaev qalasynda 4,8%-dy körsetıp,  orta oblystyq deŋgeiden  joǧary boldy. 2023 jylǧy 1 qaŋtarǧa oblys halqynyŋ sany 2022 jyldyŋ basymen salystyrǧanda tabiǧi jäne köşı-qon ösımı esebınen 27,5 myŋ adamǧa artty. Būl rette, halyqtyŋ eŋ köp ösımı Almaty qalasyna jaqyn audandarda tırkeldı, atap aitqanda: Qarasai 11,6 myŋ adamǧa, Talǧar 7,0 myŋ adamǧa, Ile 6,9 myŋ adamǧa, Jambyl 2,1 myŋ adamǧa, Eŋbekşıqazaq 1,4 myŋ adamǧa, sondai-aq Qonaev qalasynda 0,5 myŋ adamǧa az ösım baiqaldy. Sonymen qatar, Raiymbek - 0,7 myŋ adam, Kegen - 0,7 myŋ adam, Balqaş - 0,4 myŋ adam, Ūiǧyr audandarynda -0,3 myŋ adam halyq sanynyŋ azaiuy oryn aluda. Oblys ekonomikasynda 2023 jyldyŋ 1 qaŋtaryna jūmys küşınıŋ sany 2022 jyldyŋ basymen salystyrǧanda 42,2 myŋ adamǧa östı.  Jūmys küşınıŋ eŋ köp ösuı kelesı audandarda tırkeldı: Ile 24,6 myŋ adamǧa, Qarasai 15,6 myŋ adamǧa jäne Qonaev qalasynda 7,1 myŋ adamǧa. Sonymen qatar, Eŋbekşıqazaq audanynda 15,8 myŋ adamǧa jäne Raiymbek audanynda 5,4 myŋ adamǧa aitarlyqtai tömendeu baiqalady. Jūmys küşınıŋ ösuıne jūmyspen qamtylǧan halyq sanynyŋ artuy aitarlyqtai äser etedı. Jalpy eseptı kezeŋde oblystyŋ jūmyspen qamtylǧan halqy 37,8 myŋ adamǧa ösıp, 697,7 myŋ adamdy qūrady. Jūmyspen qamtylǧan halyq arasynda jaldamaly qyzmetkerler sany - 499,1 myŋ adamdy, öz betınşe jūmyspen qamtylǧandar - 198,6 myŋ adamdy qūrady. Ile audanynda-23,6 myŋ adam, Talǧar audanynda -15,2 myŋ adam jäne Qonaev qalasynda - 6,7 myŋ adam jūmyspen qamtylǧan azamattardyŋ eŋ köp ösuı baiqaldy.  Sonymen qatar, jūmyspen qamtylǧandar sanynyŋ tömendeuı myna audandarda tırkeldı: Eŋbekşıqazaq-15 myŋ adam, Raiymbek-5,1 myŋ adam, Jambyl-2,9 myŋ adam, Kegen-0,8 myŋ adam. Eŋbek naryǧynyŋ jürgızılgen monitoringın eskere otyryp, ışkı eŋbek naryǧynda sūranys pen ūsynys arasyndaǧy teŋgerımsızdıktı boldyrmau maqsatynda oblysta investisiialar tartu, öndırıster qūru jönındegı jūmys jandandyrylady. Halyqtyŋ käsıpkerlık qyzmetın yntalandyru üşın granttar, nesieler siiaqty tetıkter keŋınen qoldanylady.