Qonaev qalalyq Mädeniet üiınde oblystyq mäslihattyŋ kezektı III sessiiasy öttı

Qonaev qalalyq Mädeniet üiınde oblystyq mäslihattyŋ kezektı III sessiiasy öttı. Oǧan oblys äkımı Marat Sūltanǧaziev, basqarma basşylary men mäslihat deputattary qatysty. Sessiia jūmysyn oblystyq mäslihattyŋ töraǧasy Talǧat Baiedılov jürgızdı. Bırınşı mäsele boiynşa Almaty oblysynyŋ 2022 jylǧa arnalǧan biudjetınıŋ atqaryluy turaly oblystyq qarjy basqarmasynyŋ basşysy Bibıgül Ūzaqova baiandama jasady. Ūzaqovanyŋ aituynşa, ötken jyly ekonomika sektorynyŋ barlyq baǧytynda ösu qarqyny baiqalyp, oblystyŋ jalpy öŋırlık önımı 2022 jyldyŋ 9 aiynda 2538,5 mlrd teŋgenı, jan basyna şaqqanda 1 706,3 mln teŋgenı qūraǧan. Önerkäsıpte öŋdeuşı sektordyŋ 8,7 paiyzǧa ūlǧaiuy esebınen öndırıs kölemı 8,9 paiyzǧa artyp, 1,5 trln teŋgeden asqan. «Auyl şaruaşylyǧynda jalpy önım 736,5 mlrd teŋgege jettı nemese 2021 jylmen salystyrǧanda 100,1 paiyzǧa oryndaldy. Onyŋ ışınde mal şaruaşylyǧy önımınıŋ öndırısı 2,3 paiyzǧa östı. Jalpy AÖK-nı qoldauǧa 34,1 mlrd teŋge, onyŋ ışınde subsidiialarǧa 31,0 mlrd teŋge baǧyttaldy. 15 myŋǧa juyq şarua qojalyǧyna qoldau körsetıldı. Şaǧyn jäne orta biznestıŋ belsendı subektılerınıŋ sany 116,6 myŋ bırlıktı qūrady. Oblys ekonomikasyna 609 mlrd teŋgeden astam investisiia tartyldy, ösım 14,1 paiyzdy qūrady. Biylǧy sauda kölemı 8,4 paiyzǧa ūlǧaiyp, 1,6 trln teŋgenı qūrady. Memlekettık biudjet jospary 105 paiyzǧa oryndaldy, jospar boiynşa 743,2 mlrd teŋge bolsa, 780,1 mlrd teŋge tüstı. Respublikalyq biudjetke 384,0 mlrd teŋge, jergılıktı biudjetke 396,1 mlrd teŋge tüstı», - dedı basqarma basşysy. Ötken jylǧy biudjettıŋ şamamen 50,1 paiyzy äleumettık şyǧystarǧa, demek, bılım beru, sport, densaulyq saqtau, äleumettık kömek jäne äleumettık qamsyzdandyru salasyna jäne 49,9 paiyzy naqty sektorǧa jäne basqa da şyǧystarǧa, iaǧni, tūrǧyn üi-kommunaldyq, auyl şaruaşylyǧy jäne erekşe qorǧalatyn tabiǧi aumaqtar, kölık jäne kommunikasiia, qūrylys qyzmetıne baǧyttaldy.