Tesla Motors kompanııasynyń basshysy Ilon Mask Qazaqstanda elektrmobılderdi qýattaýǵa arnalǵan Supercharger stanııalaryn salýǵa ýáde berdi, - dep habarlaıdy Tengrinews.kz tilshisi.
AQSh-ta jańa Tesla Model Y elektrmobıliniń tusaýkeseri ótti. Kólikti tanystyrý barysynda kompanııa basshysy ǵalamdyq Supercharger qýattaý stanııalaryn jasaý josparda bar ekenin aıtty. Mask kórermenderden qurylǵyny qaı elderde ornatý kerektigin surady. Soǵan oraı zalda ol sharaǵa shamamen qazaqstandyqtar qatysqan bolýy kerek, olar Qazaqstanda ornatýdy suraǵan. Ilon Mask bolsa "Bizdi Qazaqstanda óte jaqsy qoldaıdy, sondyqtan Supercharger-dy salamyz" dedi.
