Marat Sūltanǧazievtıŋ halyqpen kezektı kezdesuı 17 mamyr künı Talǧar audanynyŋ Besaǧaş auyldyq okrugınde öttı. Öŋır basşysy aldymen audannyŋ damuy üşın jasalyp jatqan jūmystardy, tūrǧyndardan kelıp tüsken ūsynystar boiynşa osy uaqytqa deiın atqarylǧan ısterdı tolyqtai aityp öttı. Kezdesuge üş jüzden astam astam adamdar men tūrǧyndar jinaldy. Audan tūrǧyndarymen kezdesken oblys äkımı negızgı mındetterdıŋ bırı – halyqty baspanamen qamtu ekenın eske saldy. Kezdesu barysynda oblys äkımı tūrǧyndarǧa belsendı azamattyq ūstanymy üşın alǧysyn bıldırdı.
«Ötken jyly audanda äleumettık osal jäne köpbalaly otbasylarǧa tūrǧyn üi berılmedı, biyl da josparda joq», – dedı halyqtyŋ mäselesın kötergen oblys äkımı.
Alaida, Almaty oblysynyŋ äkımı Marat Sūltanǧazievtıŋ sözıne süiensek, biylǧy jyldyŋ soŋynda Talǧar qalasynan 216 päterge arnalǧan 3 kredittık üi qoldanysqa berıledı. Sonymen qatar, aimaq basşysy mūnda 9 myŋnan astam azamattardyŋ tūrǧyn üi kezegınde tūrǧanyn aityp, būl halyqtyŋ ışkı köşı-qonynyŋ ösu körsetkışterınıŋ bırı ekenın alǧa tartty.
«Būl mäselege erekşe nazar audaru kerek, öitkenı halyqtyŋ tūrǧyn üi ūsynys sanynan asyp ketuı audan tūrǧyndarynyŋ äleumettık äl-auqatyna äser etuı mümkın», – dedı oblys basşysy Marat Sūltanǧaziev.Atalǧan mäselelerge bailanysty öŋır basşysy audan äkımıne tūrǧyn üi qūrylysynyŋ kölemın ūlǧaitudy jäne jeke tūrǧyn üi qūrylysyna qajettı injenerlık infraqūrylymy bar daiyn alaŋdardy qamtamasyz etudı tapsyrdy. Al jūmyspen qamtu mäselesıne kelsek, byltyr oblysta 37,2 myŋ jūmys orny aşylǧan.
