Täuelsız jurnalist Ashat Niiazov Soltüstık Qazaqstan oblysyndaǧy Astrahan auylynyŋ äkımı Ruslan Qabatovtan sūhbat aldy. Jelıde jariialanǧan arnaiy şyǧarylymnan keiın auyl äkımı auruhanadan bır-aq şyqqan, dep habarlaidy "Adyrna" portaly inbusiness.kz saityna sılteme jasap.
Ashat Niiazov özınıŋ "Obojaiu" atty Youtube arnasynda elımızdegı türlı auyldardan arnaiy şyǧarylymdar jasap, auyl äkımderınıŋ tynys-tırşılıgı jaily baiandaidy. Kezektı reportaj SQO-daǧy Astrahan auyly jaily tüsırıldı.
Auyl tūrǧyndarynan alǧan sūhbatynda, äkımnıŋ jöndeuge ketken kölıgı, jürgızuşısı bolyp jūmys ısteitın jaqyn tuysy, sondai-aq, aqşa bölınıp, qaǧaz jüzınde satyp alynǧan äkımşılıktı juuǧa qajettı zattardyŋ ıs jüzınde joqtyǧy jaily aityldy. Tıptı 20 myŋ teŋge ailyq alatyn äkımşılık edenın juuşy azamatşanyŋ öz qaltasynan aqşa şyǧaryp, tazalaityn türlı sūiyqtyqtar satyp alatyny aityldy. Bıraq qaǧaz jüzındegı eseptık qūjattarda atalǧan ūsaq dünielerge qarajat bölıngen.
Soŋǧy derekterge säikes, Astrahan auylynyŋ äkımı atalǧan sūhbattan soŋ insult alyp, auruhanaǧa tüsken. Qazırgı jaǧdaiy bırqalypty dep habarlandy.
https://youtu.be/uC9TJTzR1Qc
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz