Ötken ǧasyrdaǧy alapat aştyqty Ukraina sekıldı genosid retınde moiyndatu kerek pe? Būl sūraqty bırneşe Mäjılıs deputatyna qoiyp, jauap aluǧa tyrystyq. Bır qyzyǧy deputattar aşarşylyqty genosid dep tanuǧa bailanysty sūraqqa asa saq jauap berdı. Bärı bır auyzdan Memleket basşysy Qasym-Jomart Toqaev qūrǧan saiasi quǧyn-sürgın qūrbandaryn tolyq aqtau jönındegı memlekettık komissiiany eske aldy.
“GENOSİDKE SOVET ÜKIMETI AIYPTY. BIRAQ SAIаSİLANDYRMAIMYZ…”
«Respublika» partiiasynyŋ töraǧasy ärı Mäjılıs deputaty Aidarbek Qojanazarov eŋ bırınşı genosid degennıŋ ne ekenın tüsınuımız kerek ekenın eskerttı. Onyŋ aituynşa, bır ūlttyŋ basqa ūltty qūrtyp, joiuu saiasaty genosid dep atalady. «1917 jyldan bastap bızdıŋ törelerımızdı, sūltandarymyzdy joidy. Odan keiın jūt boldy. Al 1936 jyly menıŋ äkemnıŋ tuǧan atasy atylyp kettı. Sondyqtan da menıŋ oiymşa şynymen de bızdıŋ elımız genosidke ūşyrady dep senemın. Bıraq ony bıreuge jük salyp, «myna el, myna ūlt ıstedı» dep aitu dūrys emes. Būl jerde Sovet ükımetı aiypty jäne ol kezde basşylyqta bolǧan adamdardyŋ ūlttary da ärtürlı boldy. Sondyqtan da Aşarşylyqty bır ūltqa jüktep «Myna ūlt bızdıŋ ūltty joidy» degendı men qoldamaimyn», – dedı deputat.Sondai-aq ol Aşarşylyqty saiasilandyruǧa bailanysty sūraqqa jauap berdı. Deputattyŋ közqarasy bilıktıŋ būǧan deiın aitqan pıkırımen ūqsas şyqty.
«Neǧūrlym bız tarihty saiasilandyrsaq, soǧūrlym bızdıŋ ışımızde ökpe paida bolady. Eŋ bastysy Aşarşylyqtan sabaq aluymyz kerek. Bırınşıden, kımnen kelgen aşarşylyq, sol adamdar men memleket turaly bıluımız kerek, ekınşıden, ony boldyrtpas üşın ıs-äreketter jasauymyz kerek», – dedı ol.PREZİDENT POZİSİIаSY MEN DEPUTAT MİSSİIаSY SÄIKESE ME? Mäjılıs deputaty Ashat Aiǧambetovtyŋ közqarasy Aidarbek Qojanazarovtyŋ pıkırıne ūqsas. Alaida tarihşy deputat ärıptesı sekıldı Aşarşylyqty genosid dep mülde aitpai, asa saqtyq körsettı. Eks-ministr «Ukraina sekıldı aşarşylyqty genosid dep tanu qajet pe?» degen naqty sūraqqa jalpylama jauap berdı.
«Būl mäsele qazırgı uaqytta keŋınen zerttelıp jatyr. Repressiiaǧa ūşyraǧan bızdıŋ azamattarymyzdy aqtau boiynşa ülken komissiia qūrylyp, zertteu jürgızılıp, qazır naqty jūmys jürıp jatyr. Memleket basşysy bügın osy mäsele boiynşa arnaiy Twitter-de pıkır bıldırdı. Memleket basşysynyŋ pozisiiasymen tolyǧymen kelısemın. Şyn mänınde būl bızdıŋ tarihymyzdaǧy öte ülken qaraly künderdıŋ bırı boldy. Ony bız bılıp, aitumyz kerek. Bügın menıŋ bıluımşe mektepterde däl osy mäsele boiynşa arnaiy aşyq sabaqtar ötıp jatyr. Ötken tarihymyzdy este saqtau üşın mūndai şaralardyŋ ötkenı kerek. Bızdıŋ keremet elitamyz atu jazasyna kesılıp, qaraly künder boldy. Sondyqtan da būl mäselede ülken zertteu jūmystary jürıp, aqtau jūmystary jalǧasuy kerek. Komissiia özınıŋ jūmysyn jalǧastyryp, bır tiıstı şeşımdı ūsynady dep sanaimyn. Sondyqtan mūny tek qana saiasi közqaraspen ǧana emes, elımızdıŋ alǧa jyljuy üşın paidaly qadam retınde qarauymyz kerek», – dedı ol.
Ashat Qanatūly alystan oraǧytyp, sūraqqa naqty jauap bermegen soŋ «Tarihşy retınde aşarşylyqty genosid dep baǧalaisyz ba?» dep saual qoidyq. Al deputat “Aşarşylyqty eşqandai zertteusız, tek qana emosionaldy tūrǧyda emes, naqty şaralardy belgılep, tiıstı şeşım qabyldau kerek,-“ dep jauap berdı. Toqsan auyz sözdıŋ tobyqtai tüiını, deputattar aşarşylyqqa bailanysty ekı şoqyp, bır qaraǧandy jön körıp otyr.
Serık Joldasbai
"Adyrna" ūlttyq portaly
Ūqsas jaŋalyqtar
