Prezident Qasym-Jomart Toqaev HH ǧasyrdaǧy saiasi quǧyn-sürgın materialdaryn zertteu ortalyǧynyŋ jūmysymen tanysty. Būl turaly Aqordanyŋ baspasöz qyzmetı mälımdedı, dep habarlaidy “Adyrna” ūlttyq portaly
Memleket basşysy ortalyqta qūjattardy saqtau şartymen, mūraǧat qūjattaryn qalpyna keltıru jäne mikrofilmdeu kabinetterınıŋ jūmysymen tanysty. Sonymen qatar Memleket basşysyna ötken ǧasyrdaǧy saiasi quǧyn-sürgın tarihyna qatysty materialdar boiynşa jürgızılgen jūmystardyŋ ekspozisiiasy körsetıldı.
Prezidenttıŋ Jarlyǧymen 2020 jyldyŋ qaraşa aiynda HH ǧasyrdaǧy saiasi quǧyn-sürgın qūrbandaryn tolyq aqtau jönınde memlekettık komissiia qūryldy. Memlekettık komissiianyŋ jūmysyna qoldau körsetu maqsatynda 2021 jyly HH ǧasyrdaǧy saiasi quǧyn-sürgın materialdaryn zertteu ortalyǧy aşyldy. HH ǧasyrdyŋ 30-50 jyldaryndaǧy saiasi quǧyn-sürgın tarihyna qatysty materialdar Ortalyqqa IIM, ŪQK, Bas prokuraturanyŋ arnauly mūraǧattarynan berıledı. Ortalyq taiau uaqytta barlyǧy 715 myŋǧa juyq ıstı qabyldap alady dep josparlanyp otyr. Mūnda qūjattardy qūpiiasyzdandyru, qalpyna keltıru jūmystary jüzege asyrylady. Olardy zertteu jäne ǧylymi ainalymǧa engızu üşın tiıstı jaǧdai jasalǧan, delıngen habarlamada.Qazırgı uaqytta tarihşy-ǧalymdar men ortalyq qyzmetkerlerı «Alaşorda ısı. 1920-1940 jj. Qūjattar men materialdar» atty köptomdyqty baspaǧa daiyndap jatyr. Būl basylym HH ǧasyrdaǧy Qazaqstannyŋ saiasi tarihynyŋ ǧylymi kökjiegın keŋeitedı. Ortalyqtyŋ qorynda 1 million 132 myŋ ıs saqtalǧan. Memleket basşysy tarihymyzdy zerdeleu ısınde Ortalyqtyŋ jūmysy maŋyzdy ekenın atap ötıp, ūjymǧa sättılık tıledı.
Ūqsas jaŋalyqtar
