Qostanai äkımdıgı Vladimir Putindı "sän-saltanatpen" qarsy alu üşın 11 milliard teŋge bölgen

Qostanai äkımdıgı biyl küzde ötedı dep josparlanǧan Qazaqstan-Resei aimaqaralyq forumyna daiyndyqqa 10 mlrd teŋgeden astam qarajat böletının aitty. Forumnyŋ "asa qadırmendı qonaqtarynyŋ" da Putin bastaǧan delegasiia ekenı mälım boldy. Qala basşylyǧy Resei prezidentın erekşe sän-caltanatpen qarsy alǧaly otyr. Būl jönınde  “Naşa gazeta” basylymy jazdy, dep habarlaidy "Adyrna" ūlttyq portaly. Delegasiianyŋ köŋılınen şyǧu maqsatynda bırqatar şaralar atqarylyp jatyr. Forumǧa daiyndyq aiasynda qalada 1626 tüp qaraǧai men 255 tüp terek otyrǧyzylǧan. Qaraǧai köşetterın äkımdık Başqūrtstannan aldyrtqan.  Äkımnıŋ aituynşa, qazaqstandyq tasymaldauşylar sapaly qaraǧai köşetterın ūsyna almaǧan bolyp şyqty. Codan keiın kök köşet ızdep, şetelge jügıngen. Sonymen qatar, qyruar qarjy qalada Smart-ortalyq salyp, Tobyl saiabaǧynyŋ soltüstık bölıgın qaita jöndeuge jūmsalmaq. Būǧan qosa, qarjy qala köşelerın jaryqtandyruǧa, aialdama pavilondaryn ornatuǧa, köşelerdı abattandyruǧa, subūrqaqty jöndeuge, 13 000 şarşy metr jerdıŋ kırpışın almastyruǧa, jol men üilerdı jöndeuge de jūmsalady. ​"Naşa gazeta" basylymynyŋ jazuynşa, byltyr jobanyŋ qūny 11,3 mlrd teŋge bolǧan. Jeltoqsan aiynda Qostanai oblysynyŋ jaŋa äkımı Qūmar Aqsaqalov Smart-ortalyqtyŋ ainalasyn abattandyru qūnyn 1 mlrd teŋgege azaitqan. Jospardan 44,4 mln teŋge ketetın alleia men 74,4 mln teŋge ketetın balalar alaŋy da alynǧan. Basylymnyŋ mälımetınşe, şamamen 1 mlrd teŋgege josparlanǧan üş subūrqaqtyŋ bıreuı qalady, al onyŋ baǧasy – 186,6 mln teŋge. Äkım ortalyq saiabaqta jäne Baitūrsynov köşesındegı saiabaqta 50 mln teŋgege 138 oryndyq pen märmär tastan jasalǧan 138 qoqys jäşıgı ornatylatynyn habarlady. "Azattyq radiosynyŋ" jazuynşa, Putinnıŋ Qazaqstanǧa sapary Reseidıŋ Ukrainaǧa basyp kıruıne bailanysty Mäskeudıŋ halyqaralyq qauymdastyqtan şettetılıp, oqşaulanǧan kezınde josparlanyp otyr. Kreml bilıgı Ukrainaǧa qarsy soǧys bastaǧannan keiın älem liderlerı aldynda Resei prezidentı Vladimir Putin men syrtqy ıster ministrı Sergei Lavrovtyŋ süikımı ketken. Batys elderı Putin men onyŋ töŋıregındegı adamdarǧa qarsy derbes sanksiialar salǧan. Älem liderlerı bas qosatyn sammitterge Reseidı şaqyrmaityn bolǧan. Oraiy kelgende aita keteiık, Nauryz aiynda Gaaga soty Putindı tūtqyndauǧa order bergen. Talap boiynşa, Putin "Rim statutyna" qatysuşy elderdıŋ bırıne barǧanda bırden tūtqyndaluy tiıs. Būl - halyqaralyq şart. Degenmen, Qazaqstan SIM-nıŋ tüsındıruınşe, Qazaqstan Gaagadaǧy Halyqaralyq qylmystyq sottyŋ qūryltai qūjaty – Rim statutyna qatysuşy emes. Demek, Qostanaiǧa keletın Putindı Qazaqstan memleketı tūtyndamaidy. Būqaralyq aqparat qūrallarynda Qostanai äkımdıgı Vladimir Putindı kütıp alu üşın 11 milliard teŋge jūmsaudy közdep otyrǧany aitylady.

"Adyrna" ūlttyq portaly