Şyǧys Qazaqstan oblysy, Kürşım audany, Maraldy auylynda altyn öndıru fabrikasyn salyp jatqan kompaniiaǧa tūrǧyndar narazylyq bıldırgen edı. Jergılıktı halyqtyŋ şaǧymyna qūlaq asqan mamandar kompaniiaǧa 3 mln teŋgege juyq aiyppūl saldy, dep habarlaidy "Adyrna" ūlttyq portaly.
Byltyr Şyǧys Qazaqstan oblysy, Kürşım audany Maraldy auylynyŋ halqy altyn öndıruşı kompaniianyŋ jūmysyna narazylyq bıldırıp, ekologiianyŋ būzylyp jatqandyǧyna şaǧymdanǧan. Sonymen qatar, olar memleket basşysyna hat jazyp, aimaqta zaŋsyz altyn qazyp äketetınderdıŋ artqanyn aitqan-tūǧyn.
Ekologiia jäne tabiǧi resurstar ministrlıgınıŋ ökılı altyn kenışındegı dauly mäselenıŋ zaŋ şeŋberınde ǧana şeşıluı tiıstıgın mälım ettı.
Jergılıktı tūrǧyndardyŋ aituynşa, "altyn şyqqan jerdı belden qazuǧa oqtalǧan" kompaniia öndırıste sianid qoldanady. Tūrǧyndar sianidtıŋ suǧa tüsse, aumaqty tūtas ulaitynyn aitady. Metallurgter kerısınşe, jaŋa fabrikanyŋ müldem qauıpsız jäne tabiǧatqa eşqandai qauıp töndırmeitının alǧa tartady.
ŞQO Ekologiia departamentı atalǧan auylda altyn fabrikasyn salyp jatqan «VSAM Production» JŞS-ne qatysty tekseru jürgızdı. Sonyŋ nätijesınde bırqatar zaŋbūzuşylyq anyqtaldy.
«Tekseru jūmystary 3 aptadan astam uaqytqa sozyldy. Käsıporynnyŋ qorşaǧan ortaǧa äserdı baǧalau nätijelerı boiynşa memlekettık ekologiialyq saraptama qorytyndysynyŋ talaptaryn saqtamaǧany anyqtaldy. Sondai-aq jabdyqtalmaǧan uchaskelerde öndırıstık qaldyqtar saqtalǧan. Sol qaldyqtarmen jūmys ısteu talaptary būzylǧan. Jerdıŋ mūnai önımderımen lastanu faktılerı de tırkeldı», - dep habarlady departamenttıŋ baspasöz qyzmetı.Ekologtar tekseruden soŋ 5 äkımşılık ıs qozǧady. Kompaniiaǧa 3 mln teŋgege juyq aiyppūl salyndy.
"Adyrna" ūlttyq portaly
Ūqsas jaŋalyqtar
Qazaqstan
Şyǧys Qazaqstan
ŞQO Ekologiia departamentı
altyn öndıru
kürşım audany
Jaŋa Qazaqstan
altyn qazu
qaton qaraǧai
