Almatyda kásipkerden 2 mln teńge bopsalaǵan «qylmystyq tórttik» ustaldy. Bul týraly Polisia.kz jarııalady, dep habarlaıdy “Adyrna” ulttyq portaly.
Aqparat boıynsha, osy qylmysty jasady degen kúdikpen tórt er adam ustaldy. Olardyń úsheýi buryn qaraqshylyq shabýyl, densaýlyqqa aýyr zııan keltirý jáne bótenniń múlkin urlaý boıynsha isti bolǵandyǵy belgili boldy.
Kúdiktiler fızıkalyq kúsh qoldanamyn dep qorqytyp, kásipker 21 jastaǵy K. esimdi azamattan 2 mln teńge kóleminde aqsha bopsalaǵan. Kúdiktiler suraǵan somanyń birinshi bóligin birden alǵan, qalǵanyn tabý úshin 20 kún ýaqyt bergen. Bopsalaý deregi QR QK-niń 194-baby 2-bóligimen tirkeldi. Jedel jáne arnaıy sharalar kesheni júrgizildi. «Qylmystyq tórttiktiń» qylmystyq áreketteri qujattaldy. Olar qylmys ústinde ustaldy. QR QPK-niń 128-babyna sáıkes kúdiktiler ÝUI-ǵa qamaldy. Atys qarýyn zańsyz saqtaý deregi anyqtaldy. Saraptamalar taǵaıyndaldy, - dedi Medeý aýdandyq polıııa basqarmasynyń bastyǵy Ilııas Ómirserikov.
