Qazaqstan bilıgı Qyrǧyzstannan Reseige zaŋsyz jetkızılmek bolǧan drondar partiiasyn tärkıledı. Būl jönınde qazaqstandyq Orda.kz saity habarlady, dep jazady "Adyrna" ūlttyq portaly.
Basylymnyŋ jazuynşa, jalpy qūny 16 mln rubl (193 440 dollar) bolatyn DJI AgrasT30 markaly 14 dron şekara arqyly Qazaqstannyŋ Jambyl oblysyna tasymaldanaiyn dep jatqan kezde ūstalǧan. Drondardy qyrǧyzstandyq "İmpuls-İnvest" firmasy Qazaqstan aumaǧy arqyly alyp ötpek bolǧan, alaida kompaniianyŋ mūndai tauar türlerın tasymaldauǧa lisenziiasy bolmaǧan.
Resmi türde drondar reseilık "Nova" qūrylys kompaniiasyna jetkızıluı tiıs bolǧan.
"İmpuls-İnvest" kompaniiasyna 76 myŋ teŋge (şamamen 14 myŋ rubl) kölemınde aiyppūl salynǧan. Jambyl memlekettık mülık jäne jekeşelendıru departamentı tärkılengen drondardy saudaǧa şyǧarǧan.
Eske sala keteiık, AQŞ memlekettık departamenınıŋ sanksiiany üilestıru basqarmasynyŋ direktory Djim O'Braien Qazaqstanǧa qyryn qaraǧan edı. Ol Qazaqstandy Reseige tyiym salynǧan tauarlardy jetkızıp otyrǧan elderdıŋ bırı dep ataǧan bolatyn. Halyqaralyq qatynas jönındegı Europa keŋesı mūndai qadamdarjy, Reseige reeksporty "ırı mäsele" dep ataǧan-tūǧyn.
"Azattyq" radiosy būl jaily bylai jazady:
"Sol sebeptı Qazaqstan, Gruziia, Armeniiaǧa baramyz. Kelıssöz toptary da Türkiia men BAÄ-ge kettı. Resei jyl basynda bırqatar negızgı elektrondy jabdyqtar importyn soǧysqa deiıngı deŋgeige jetkıze alǧanyn anyqtadyq. Mūnyŋ jalǧasqanyn qalamaimyz. Degenmen Reseige qazır osyndai jabdyqtar jetpei otyr. Sebebı önımderdıŋ basym bölıgı 2022 jyly kelmegen. Būǧan qosa, Resei ekonomikasy qazır äskeri qajettılıkterdı de ötep jatyr jäne ol osyndai elektrondy jabdyqtardyŋ köp partiiasyna zäru. Sebebı Resei jaǧy importtaǧanyn bır mezette jaǧyp jatyr" dedı O'Braien. Onyŋ sözınen üzındını Azattyqtyŋ Armian qyzmetı keltıredı.Qazaqstan ūlttyq statistika biurosynyŋ mälımetınşe, 2022 jyly elge qūny 5 mln dollar bolatyn dron importtalǧan. 1,23 mln dollar bolatyn tauar Reseige jetkızılgen. Qazaqstan Reseige drondar men chipter aluǧa kömektesıp jatqanyn mamyrdyŋ soŋynda "Vajnye istorii" basylymy jazǧan. Basylym Qazaqstandy soǧys kezınde "deldaldyq" jasady dep körsetken edı.
"Adyrna" ūlttyq portaly
Ūqsas jaŋalyqtar
qazaqstan şekarasy
jambyl oblysy
drondar
orys ukraina
resei ukraina soǧysy
sanksiialar
qazaqstanǧa sanksiia
drondar partiiasy
"Nova" qūrylys kompaniiasy
