Ūlttyq volonterler jelısı Abai oblysyndaǧy ört saldarynan evakuasiialanǧan tūrǧyndar men qyzyl jalyndy auyzdyqtauǧa tartylǧan mamandarǧa gumanitarlyq kömek körsetu üşın qarajat jinap jatyr, dep habarlaidy "Adyrna" ūlttyq portaly QazAqparatqa sılteme körsete otyryp.
«Barlyq janaşyr adamdardan osy aksiiany qoldaudy sūraimyz. Jinalǧan qarajat volontery_semey_lider.kz audarylady, volonterler qajettı tauarlardy satyp alyp, tötenşe jaǧdai ornyna jetkızedı. Tüsken qarajattyŋ esebı bızdıŋ paraqşalarymyzda jariialanady», - delıngen ūlttyq volonterler jelısınıŋ Instagram-paraqsynda jariialanǧan habarlamada.
Kömek körsetuge niettı azamattar aqşany ekınşı deŋgeilı ekı bankter arqyly audara alady. Atap aitqanda, «Kaspi» jäne «Halyk Homebank» qosymşasyndaǧy «Qaiyrymdylyq» bölımıne ötıp, «Nasionalnaia volonterskaia set» qyzmetın taŋdap, aqşa jıberuge bolady.
«Al zaŋdy tūlǧalar üşın - OIýL «Nasionalnaia volonterskaia set». BİN: 120 940 015 916 «Qazaqstan halyq bankı» AQ KBE 18. BİK HSBKKZKX, P/S KZ23601A871001005521», - dep rekvizitter körsetılgen volonterler ūiymynyŋ äleumettık jelıdegı paraqşasynda.
Eske sala keteiık, qazırgı taŋda erıktıler Abai oblysyndaǧy orman örtımen küresıp jatqan mamandarǧa kömek körsetıp jatyr.
Keşe Prezident Qasym-Jomart Toqaev Tötenşe jaǧdailar jönındegı jedel ştabtyŋ otyrysynan keiın ört söndıruge jūmyldyrylǧan qūtqaruşylar jäne erıktılermen kezdesıp, olarǧa alǧys aitty.
Sonymen qatar, almatylyq erıktıler de örtten zardap şekkenderge gumanitarlyq kömek jinap jatyr.
"Adyrna" ūlttyq portaly
Ūqsas jaŋalyqtar
