Jalpy, soŋǧy kezde bız öner jūldyzdaryn qatty qysyp jıberdık. "Dimaş qūrly joqsyŋdar" dedık, "toi biznes ökılderı" dedık... Qoǧamda olarǧa qarsy kädımgıdei negativ qalyptasty.
Degenmen, būny aitpasaq olarǧa qiianat bolady, bızdıŋ öner jūldyzdary "iutubty" meŋgere bastaǧan eken.
Erke Esmahan, "Allo" änı - 38 mln körılım.
Äliia Äbıken men Qanat Ümbetov - "Janymda bol" - 32 mln körılım.
Al osy Erkenıŋ "Qaidasyŋ" - 90 mln körılımge ie bolyp, tıptı tyŋdarman auditoriiasy köp Resei änşılerın de şaŋ qaptyryp ketken eken. Būl äzırşe bızdıŋ rekord.
Endı, soŋǧy kezde "Opmai Opmai" änı iutubte jarylǧan bomba bop şyǧyp, onyŋ körılımı apta sanap milliondar qosyp keledı. Bügınde onyŋ körılımı 30 millionnan asypty. Hit pa, Hit. Bır körılım degen tek bır ǧana ai pi nömırmen sanalady, "telefonmen qaita qaita kırıp körılım ösıru" degen joq, sızder şataspaŋyzdar. Iаǧni, Erkenıŋ "qaidasyn" älemde 90 mln adam körgen.
"Oipyrai, Qazaqstanda sonşa halyq joq, būlardy kım tyŋdaidy sonda" dep osy klipterdıŋ astyna üŋılsem, aldymen köretınım - janymyzdaǧy qyrǧyzdar. Qyrǧyz boordaştardy qazaqtyŋ hit änderınıŋ astyna şegelep qoiǧan tärızdı. Anau Äliia Äbıkennıŋ "Janymda bol" änınıŋ asty kıleŋ qyrǧyzdardyŋ kommentterı ǧoi, arasynan qazaq tappadym. Qyrǧyzdar jalpy qazaq önerın süiıp qaraidy eken, bızdıŋ klipter men kinolardyŋ maŋy solar jüredı.
Odan, būl klipterdıŋ astynda taǧy özbek, tatar, äzırbaijan, türık, başqūrt ...jalpy, zaty türkı halyqtarynyŋ ökılderı qaptap jür.
Eger qazaq önerı osy betınen taimasa, bızdıŋ mädeni, tıldık, ruhani aiamyz bıraz keŋıp qalaiyn dep tūr.
Būndai qūbylysty körgende bız siiaqty qiialilardyŋ imperiialyq ambisiialary oianady eken. Ras, iutubtegı qazaq änşılerınıŋ auditoriiasyna qarap keibır ambisiialarym oianyp jür.
Jalpy, şyny kerek, bızdıŋ qazekeŋ türkı halyqtarynyŋ arasynda asyldyŋ synyǧyndai bolǧan şoqtyǧy biık, erekşe halyq qoi. Bızdıŋ jastar halyqaralyq därejede özderınıŋ bäsekege tüse alatynyn däleldep kele jatyr.
Dimaş - älemnıŋ aldynda taŋdai qaqtyryp qazaqtyŋ öleŋ aita alatynyn däleldedı.
Samal Esliamova - qazaqtyŋ halyqaralyq deŋgeide kinoǧa tüse alatynyn körsettı.
Sport saŋlaqtary būny baiaǧydan däleldep keledı.
Endı şırkın bızden keleşekte äigılı ekonomist, ataqty matematik, fizik, ǧylym adamdary, Nobel syilyǧynyŋ laureattary şyǧady dep ümıttenemın.
Būiyrtsa şyǧady, bız älı potensialy aşylmaǧan halyqqa jatamyz. Bızdıŋ bügıngı daryndarymyz - sol zamannyŋ alǧaşqy qarlyǧaştary.
Oljas Äbıl
"Adyrna" ūlttyq portaly
