QR Densaulyq saqtau ministrı Eljan Bırtanov myrzaǧa!
Şymkenttegı «Jūqpaly aurular auruhanasynda» därıgerlerdıŋ qolymen jasalǧan oqys jaǧdai
Qūrmettı, ministr E.Bırtanov Myrza!
Bız sızge tömende atalǧan Şymkent qalasy, «Jūqpaly aurular auruhanasynda» oryn alǧan adamnyŋ aqylyna syimaityn oqys jaǧdaidyŋ oryn aluy boiynşa baiandaimyz. Medisinanyŋ atasy atanǧan ejelgı grek därıgerı, köne medisina reformatory Gippokrat (Ἱπποκράτης) bylai degen eken: «Özınıŋ önerın zūlymdyqtyŋ önerıne ainaldyratyn adamdar da bolady nemese qarsy jaǧdaidaǧy emdeu ısı qarsy nätijege ūryndyrady» - degen eken. Özıŋız bıletındei, Gippokrat antyn qabyldaityn ärbır därıger adamzattyŋ balasyna, halyqqa, elıne, azamattar men balalardyŋ densaulyǧy syrqattanǧanda adal qyzmet etuge, memleketke de adal jūmys jasauǧa ant beredı. Olardyŋ barlyǧy da sol qyzmetı üşın bız ben sız memleketke tölegen salyqtan özderıne tiesılı jalaqy alyp otyr.
Menıŋ sızge arnaiy hat jazuyma tömendegıdei oqys jaǧdai sebep boldy. 25.03.2019 künı menıŋ tuǧan bauyrym Erbolat Samenovtyŋ kışı ūly Nūrislam Taspolat syrqattanyp jedel järdem arqyly Şymkent qalalyq «Jūqpaly aurular auruhanasyna» tüsken bolatyn. Densaulyǧy qauıptı jaǧdaida bolǧan joq, azdap qūsyp, mazasyzdanǧan edı. Arada az uaqyt ötkennen keiın auruhanada jatqan balanyŋ densaulyǧy qalypty jaǧdaiǧa keldı. Azdap qana temperaturasy köterıldı. Keiınnen temperaturasy da qalpyna keldı. Qauıptenetın eşqandai da jaǧdai bolǧan joq. Üş kün ötkennen keiın, iaǧni, 28.03.2019 künı balaǧa ülken däretın şyǧaru boiynşa saǧat 15:30 da klizma jasaldy. Nūrislamǧa klizma jasalǧanda janynda anasy Arainūr Qalmaqan özı bolǧan. Adamnyŋ oiyna kelmeitın masqaranyŋ barlyǧy osy kezde oryn aldy. Sonda älgı därıgerler balamyz Nūrislamǧa qainaǧan sumen klizma jasap, auyr jaraqatqa tap qyldy. Bala şyrqyrap jylaǧanda anasy Arainūrdyŋ aiaǧyna qainaǧa su tiıp ketedı. Balanyŋ qūiryǧyn küiık şalǧan. Qainaǧan su ışke qarai ötıp ketken. Ülken däretı şyqpai, älı şyrqyrap jylap jatyr. Onyŋ ornyna qan şyǧyp jatyr. Bız onyŋ barlyǧyn beinejazba men fotoǧa tüsırıp qoiǧanbyz. Derek retınde, dälel retınde qolymyzda tūr. Kışkentai närestege qainaǧan sumen jasalǧan klizmadan keiın onyŋ densaulyǧy qaidan oŋsyn? Balamyz soŋǧy kezde qatty mazasyndanyp kettı. Jaǧdaiy būrynǧydai emes. Ata-anasy şyr-pyr bolyp jügırıp jür. Bızge de auyr tiıp otyr. Bılımı men bılıgı bar qandai därıger osyndai bassyzdyqqa barady? Osy jaǧdaiǧa köz jūma qarau mümkın be? Köz jūma qaraidy dep oilamasyn. Jasy bırge endı kelgen närestenı osynşama qorlaǧany qalai? Sol adamdardyŋ özderı qorlanyp qalatynymen jūmystary joq pa, älde olarda bala joq pa? Diplomnyŋ bärın aqşamen satyp alyp, jūmys jasaǧannyŋ jemısı osy şyǧar. Bız elımızdı älemnıŋ damyǧan, bäsekege qabılettı 30 elınıŋ qataryna qosamyz dep jatyrmyz. Sonda osyndai mamandar arqyly qalai örkeniettı el bolmaqpyz?! Sonda būl «Jūqpaly aurular auruhanasynda» balalardy emdeitın emes, jaraqattaityn, ömırıne qauıp töndıretın bılımsız, bılıksız därıgerler jūmys jasap otyrǧany aidan anyq dünie.
Balaǧa klizma jasalǧanda bölmede mynau därıgerler bolǧan:
Bölım meŋgeruşısı: Jäbıkenova Güljan Daniiarqyzy
Orynbasary: Aǧabaev Marat Almahanbetūly
Medbike: Baisaqalova Äliia Şaldarbekqyzy
Sonymen qatar, Nūrislamdy özge orynǧa jıberemız degen de sybystar şyǧa keldı. Sonda būl jauapkerşılıkten qaşu ma? Būl jaǧdaidy jasaǧan därıgerlerden mındettı türde jauap alynady. Eşqaşan da jauaptan qūtyla almaidy. Bız Şymkent qalasy, Eŋbekşı audandyq ışkı ıster basqarmasyna aryz tüsırdık. Eşqandai da jauap kelgen joq älı de. Bır aidan keiın deptı. Bız eşqaşan da bır ai boiy kütpeimız. Osy jaǧdaidy özıŋız baqylauyŋyzǧa alyŋyz dep äleumettık jelıde «QR Densaulyq saqtau ministrlıgınıŋ» saityna arnaiy şyǧaryp otyrmyz. Bız sızden:
1. Nūrislamdy Elordadaǧy «Ana men bala» ortalyǧyna arnaiy kvotamen aldyryp, em-domyna, densaulyǧyna qajettı şaralardy jasauǧa kömek beruıŋızdı sūraimyz. Sebebı, bız atalǧan auruhanadaǧy qyzmetkerlerge öte senımsızdık bıldırıp otyrmyz. Balamyzdyŋ densaulyǧyna taǧy da bır ziian keledı degen bızde qorqynyş bar;
2. Şymkent qalasy, «Jūqpaly aurular auruhanasynda» oryn alǧan jaǧdaiǧa bailanysty balaǧa klizma jasaǧan därıgerdı, bölım meŋgeruşısın, sonda bolǧan qyzmetkerlerdıŋ bärıne qyzmettık tekserıs jasauyŋyzdy, olardy qataŋ jauapkerşılıkke tartuyŋyzdy sūraimyz;
3. Osy oqys jaǧdaiǧa bailanysty, bılıksız, bılımsız, adam densaulyǧyna nemqūraily qaraityn därıgerlerdıŋ medisinanyŋ jauapty oryndarda jūmys jasamauyna qataŋ eskertuler jasauyŋyzdy sūraimyz;
Sebebı, däl osyndai oqys jaǧdailardyŋ qanşamasy közden tasa, jasyryn küiınde qaluda. Qanşama ata-ananyŋ zary ışınde. Men onyŋ densaulyq saqtau oryndarynda sany qanşa ekenın bılmesem de, bar ekenın bılemın. Kelesı joly da närestelerdıŋ şyrqyrap qalmauy üşın, analardyŋ bozdap qalmauy üşın osy jaǧdaidy sızge arnaiy jetkızıp, habardar etıp, aldaǧy uaqytta qaitalanbaitynyna senım bıldıremın. Osy oqys jaǧdaidy nazarǧa alyp, jan-jaqty medisinalyq saraptama jasap, qolymen ıstegenın moinymen köteuge tiıstı därıgerlerdı qataŋ jauapqa tartauyŋyzdy sūraimyz.
Memleket üşın de, adam üşın de eŋ baǧaly bailyq – adamnyŋ ömırı men densaulyǧy, balalardyŋ amandyǧy. Būl QR «Ata zaŋynda» arnaiy bappen körsetılgen. Sol sebeptı osyndai bılıksız, bılımsız, keleşek ūrpaqtyŋ densaulyǧyna ziian jasaityn därıgerlerdıŋ auruhanalarda jūmys jasauǧa eşqandai da haqysy joq. Būǧan el de qarsy. Bızge keregı balamyzdyŋ densaulyǧy. Onyŋ ömırı men keleşegı. Balamyzdyŋ densaulyǧy retke kelmei, qolymen jasaǧandaryn basymen kötermei, bız būl ıstı aiaqsyz qaldyrmaimyz. Bız tergep, tekseretın prokuratura, sot, qūzyrly organdar arqyly jūmys jasaimyz.
Bekbolat Qarjan
