Aldaǵy bes jylda Ýkraınany shoýmen basqarýy múmkin. Prezıdent saılaýynyń birinshi týrynan soń Vladımır Zelenskıı kandıdattar arasynda kósh bastap keledi - 30,25 paıyz. Ázilkeshke berilgen daýys Ýkraınanyń qazirgi prezıdenti Petr Poroshenkodan (16,54 paıyz) eki esege kóp. Osy oraıda Tengrinews.kz tilshisi Ýkraına prezıdenttigine basty úmitkermen tanystyrady.
Tájirıbesiz saıasatker
Bolashaq ázilkesh-saıasatker Ýkraınada týǵanymen, bala kezinde otbasymen birge Mońǵolııada tórt jyl turyp, mektep tabaldyryǵyn sol elde attaǵan. Ákesi tehnıka ǵylymdarynyń doktory, professor bolsa, anasy ınjener qyzmetin atqarǵan.
Zelenskıı mektep kezinde-aq saıasatqa jaqyn bolýdy armandap, dıplomat mamandyǵyna oqymaq bolǵan. Biraq keıin oıy ózgerip, zańger bilimin alyp shyqty. Biraq ol zańger retinde eshqashan jumys istemegen. Saıası tájirıbesi de joq, biraq ázilkesh munyń utymdy tustaryn da taýyp aldy.
"Meniń zańgerlik bilimim bar, bul men úshin plıýs. Biraq saıası tájirıbem joq... Bul da úlken plıýs", - dep ázildeıdi ol.
Negizi Vladımır Zelenskııdiń ómir jolyn anyqtap bergen - reseılik sahna. Ol 20 jasynda "95-ı kvartal" komandasymen birge reseılik KVN-de oınaǵan. Biraq 2003 jyly KVN basshylyǵy men komanda arasynda janjal bolyp, "95-ı kvartal" ýkraınalyq televızııaǵa aýysady. Búginde bul komanda Ýkraınada reıtıngi eń joǵary shoýlardy uıymdastyratyn stýdııaǵa aınalǵan.
Ázilkeshtiń 16 jyl buryn otasqan Elena esimdi jary bar. Jup Aleksandra esimdi qyz ben Kırıll esimdi ul tárbıelep otyr.
Zelenskıı "Vechernıı kvartal", "Boıovskıı klýb", "Rassmeshı komıka", "Lıga smeha" sekildi jobalarymen tanylǵan. 2015 jyly Zelenskıı basty rólde oınaıtyn "Slýga naroda" serıaly kórsetile bastady. Munda ol prezıdent saılaýynda jeńiske jetken tarıh pániniń muǵalimin somdaıdy. Zelenskıı - bul serıaldyń basty keıipkeri ǵana emes, ıdeıa avtory ári prodıýseri. 2017 jyly álemdegi eń iri ınternet-TV platforma Netflix serıaldy kórsetý quqyǵyn satyp alǵan.
Eýromaıdan qoldaýshysy
Zelenskıı óziniń saıası kózqarasyn Ýkraınadaǵy maıdan kezinde ashyq kórsete bastady. Mıtıngke shyqqandardy qoldap, olardyń aldynda óner kórsetken edi. Al Donek oblysynda bolǵan áskerı qaqtyǵys kezinde Zelenskıı ýkraınalyq áskerge qoldaý kórsetip, olarǵa bir mıllıon grıven bergen.
Ol óz ázilderinde Eýromaıdan týraly jıi aıtady. Mysaly, "Berkýttyń" mıtıngke shyqqan stýdentterdi aıamaı soqqyǵa jyqqany ýkraınalyqtar arasynda úlken janjal bolǵan edi. Buǵan qatysty Zelenskıı jetekshilik etetin "95-ı kvartal" ázildegen edi.
Ázilkesh Evgenıı Koshevoı sol kezdegi el prezıdenti Vıktor Ianýkovıchti somdap turǵan akterden "Berkýttikterge" ebonıt taıaqshalaryn berip, al mıtıngke shyqqandar júnnen toqylǵan kıim kıse, solardy urý arqyly elektr alýǵa bola ma?" dep suraıdy.
Zelenskııdiń ózi mıtıngke shyqpaı, nege sahnada ǵana osyndaı ázilder aıtyp júrgenin túsindirdi. "Bizdiń platformamyz - bul "Vechernıı kvartal". Mıtıngke shyqqandarǵa ıýmormen qoldaý kórsetip, bılik, oppozıııa týraly erkin ázildeı alýymyz kerek", - degen bolatyn.
Sonymen qatar, Zelenskıı Reseı saıasatyna qarsy da jıi ázil aıtady. Sonyń saldarynan Reseıde "Vechernıı kvartal" shoýyn televızııadan kórsetýge tyıym salynǵan. Biraq Ýkraına prezıdentine úmitker óz suhbattarynyń birinde qajet bolsa Pýtınniń aldynda tizerlep otyrýǵa da daıyn ekenin aıtqan: "Qalasańyzdar, Pýtınge jalynyp, aldynda tizerleýge daıynmyn, biraq Ýkraınany tize búktirmeńizdershi".
Fotolar Zelenskııdiń Facebook paraqshasynan
Ýkraına prezıdenttigine basty úmitker Zelenskıı óziniń prezıdenttik saılaýǵa túsetinin resmı túrde 31 jeltoqsanda dál Jańa jyl qarsańynda aıtqan. "1+1" telearnasy ártistiń resmı habarlamasyn kórsetý úshin sol kezdegi prezıdent Poroshenkonyń jańajyldyq quttyqtaýyn keıinge ysyryp tastaǵan.
Shoýmenniń prezıdenttik saılaýǵa túsýin Ýkraına halqy ár túrli qabyldady. Biri "saıasattaǵy jańa tynys" dep sanasa, keıbiri ýkraınalyq olıgarh Igor Kolomoıskııdiń "qýyrshaǵy" dep oılaıdy. Biraq Zelenskıı olıgarhpen tek iskerlik qarym-qatynasta ekenin aıtady.
Shoýmenniń prezıdent saılaýyna túsiýine eldegi saıası ahýal sebep bolǵan.
"Ár ýkraınalyqtyń basty maqsaty - adam ómirin saqtaý. Sondyqtan, birinshi qadam - oq atýdy toqtatý. Taraptarmen kelissóz júrgýimiz kerek. Ulybrıtanııa, AQSh-ty ózimizge tartýymyz qajet dep oılaımyn", - deıdi Zelenskıı.
Ázilkeshtiń aıtýynsha, onyń prezıdent retindegi alǵashqy maqsaty - eldegi soǵysty toqtatý, ýaqytsha okkýpaııalanǵan aımaqtardy qaıtarý. Shoýmen prezıdent saılaýynyń alǵashqy týry 1 sáýirde aıaqtalatyny ózi úshin utymdy jaıt ekenin aıtady: "1 sáýir - men úshin tamasha kún. Saıqymazaq úshin. Jeńiske jetý úshin. Men saıqymazaq emespin be?", - deıdi ol. Sońǵy málimetter boıynsha, Zelenskıı birinshi týrdan soń 30,25 paıyz daýyspen kósh bastap keledi. Ekinshi oryndaǵy Petr Poroshenkoda - 16,54 paıyz. Endi eki kandıdat úsh aptadan keıin saılaýdyń ekinshi týryna qatysady. Poroshenko óziniń basty qarsylasyn "Kolomoıskııdiń qýyrshaǵy" dep ataǵan edi. Al Zelenskııdiń qazirgi prezıdent týraly pikiri mynadaı: "Poroshenkony eki-aq sózben sıpattap bere alamyn - "ókinishke qaraı".
Eset Tólesh
Tengrinews.kz
