"Ūldar men qyzdar bölek ūiyqtaidy". Tanymal jūp halal balabaqşa aşqandaryn aitty

Qazaq estradasyndaǧy tanymal jūptardyŋ bırı Quanyş pen Qarlyǧaş özderınıŋ būrynǧy 300 şarşy metrlık üilerın halal balabaqşaǧa ainaldyrdy. Būl turaly olar "Jūldyzdy şaŋyraqta" baǧdarlamasynda aitty, dep jazady "Adyrna".  "Būrynǧy üiımızdı bizneske ainaldyrdyq. Bıreuge berıp ketpedım. Balabaqşa aşyp, oǧan özımnıŋ äpkemdı otyrǧyzyp qoidym. Aptasyna bır ret özım baryp qadaǧalaimyn. Barlyǧy da halal. Tamaqtary da... Ūl balalar men qyz balalar bölek ūiyqtaidy. Barlyǧy da ondai saqtalǧan. Balalarǧa adal jūmys ıstesem, Alla maǧan özı de beredı. Özım de alty balanyŋ anasy bolǧan soŋ, balalarmen qarym-qatynas saqtalǧan, şükır. Qazır örkendep, taǧy da bıreuın salyp jatyrmyz", - deidı änşı Qarlyǧaş Myrzageldieva. Baǧdarlama barysynda Qarlyǧaş jūbaiyna armandap jürgen qymbat kölıgın syilaǧanyn da aitqan bolatyn. Al būǧan deiın olar kışı ūldaryn qaterlı dertten emdetu üşın bıraz uaqyt Türkiiada tūryp kelgen edı.