Evgenii Prigojinnıŋ «Vagner» äskeri ūiymynyŋ äreketı älem jūrtşylyǧynyŋ nazaryn audartty. 1 millionnan astam halqy bar Dondaǧy Rostov qalasyn äp-sätte basyp alyp, Mäskeuge “Ädılet” şeruı” atalǧan joryqqa şyqqan äskeri ūiym Resei astanasy tübınen kerı qaitty. Osy oqiǧa Putinnıŋ el ışındegı jäne halyqaralyq bedelıne qalai äser etedı?
«PRİGOJİN JEKE-DARA ÄREKET ETTI»
Saiasattanuşy, Dos Köşımnıŋ aituynşa, Prigojinnıŋ äreketı Putinnıŋ bedelınıŋ tüsuıne äser ettı. Sondai-aq ol Prigojinnyŋ äskeri bülıktı jeke-dara öz ūiymdastyrǧanyn eskerttı.
- Menıŋ oiymşa, Putin özge adamdar aiaq tartyp jüruı üşın Prigojindı mındettı türde jazalauy kerek edı, - deidı saiasattanuşy. Aituynşa, bilık Putindı bırbetkei, qaisar adam etıp körsetkısı kelse, Prigojin men «Vagnerdıŋ» joǧary şendı azamattaryn bärı bır jazalaidy.- Qazaqta «Hannyŋ ekı söilegenı ölgenı» degen söz bar. Putin äuelı «satqyn, artymyzdan pyşaq ūrdy» dep aiyptady. Keiın ony jazalamaityn bolyp, Belarusqa jıberuge kelısuı Putinnıŋ älsıregenın körsetedı. Putinnen mūndai şeşımdı öz basym kütken joqpyn. Özıne qarsy äskeri bülık bastaǧan adamdy bırese, «jazalaimyz», bırese «jazalamaimyz» degen soŋ Putinde ne abyroi qaldy?!.- deidı Dos Köşım.
- Sondyqtan da men Prigojinnıŋ ornynda bolsam, Belorussiiada tūraqtamas edım. Keibır sarapşylar Prigojinnıŋ artynda qandai da bır yqpaldy top boldy degendı aitady. Menıŋ oiymşa, ol özı jeke-dara äreket ettı. Öitkenı ol būǧan deiın qarsylyǧyn körsetıp keldı. Bıraq Prigojindy qoldaityn toptardyŋ bar ekenın joqqa şyǧaruǧa bolmaidy. Mäskeudegı joǧary jaqtan bastap halyqtyŋ arasynda da ony qoldauşylar bar, - deidı Dos Köşım.– Sebebı Prigojin äreketınıŋ sipaty mynandai bolyp jatyr. Bırınşısı, äskeri baǧyt bolsa, ekınşısı, Putinnen de ötken äsıreūltşyl retınde Reseidı qorǧauşy rölıne endı. Orystyŋ radikaldy ultra-ūltşyldary men şovinisterınıŋ ony qoldaitynyn kördık. Demek, ony joǧary jaqta da qoldaityndar bar. Bıraq olar Prigojinnıŋ soŋǧy äskeri äreketın qoldady dep aita almaimyz. Keşegı oqiǧa Prigojinnyŋ jeke bastamasymen jüzege asty, – deidı saiasattanuşy.
«BŪRYN PROPAGANDASY ÖTIMDI BOLǦAN RESEI OILANA BASTADY»
Al äskeri sarapşy Ermek Seiıtbattalov Proigojinnıŋ äskeri bülıgın maidandaǧy jeŋılıstermen bailanystyrady. Sebebı soǧys bastalǧan bır jarym jylda Resei äskerı köp şyǧynǧa ūşyraǧan.«Resei üşın soǧysta jetıstık bolǧan joq. Bälkım, az da bolsa, Bahmuttyŋ janynda jeŋgendei bolǧan şyǧar. Onda da äskerden görı Prigojinnıŋ «Vagner» äskeri ūiymy belgılı bıl deŋgeide jetıstıkke jetkendei äser qaldyrdy. Soŋǧy kezderı ol Putinge jaqpaityn mälımdeme jasai bastaǧanda, Kremldegıler «Mynany toqtatu kerek eken» degen şeşım şyǧardy. Öitkenı būǧan deiın LNR men DNR-dıŋ är türlı deŋgeidegı adamdary kenetten qaitys bolyp jatty. Menıŋ oiymşa, Prigojin özınıŋ taǧdyry qalai aiaqtalatynyn bıldı. Öitkenı 1 şıldeden bastap Reseidegı äskeri ūiymdardy Qorǧanys ministrlıgı qol astyna alǧysy keldı. Eger olai bolsa, Afrika men Siriiadaǧy barlyq äsker qorǧanys ministrı Şoigudyŋ qol astyna ketıp, Prigojinnyŋ özı dalada qalaiyn dep otyr. Al jalǧyz qalsa, ol qauıp tönetının bıldı», – deidı ol.Äskeri sarapşy Mäskeuge joryqty Prigojin özı bastaǧanyn aitady. Keibır sarapşylar aitqandai onyŋ artynda qandaida bır yqpaldy toptar tūrǧan joq. Bıraq ol būl äskeri şerudıŋ Putinnıŋ bedelıne orasan zor ziianyn tigızgenın joqqa şyǧarmaidy.
– Reseidegı äskeri bülık Putinnıŋ bedelıne orasan zor ziianyn tigızdı. Öitkenı onyŋ janyndaǧy eŋ jaqyn dostary otbasylaryn şet elge qaşyryp jıberdı. Al Dondaǧy Rostovtyŋ halqy Prigojindı qoldap, Kremldı qorqyta bastady. Bır sözben aitqanda myzǧymas Putinnıŋ bilıgıne qater töndı. Äu basta ol Prigojindı «Satqyn, tu syrtymyzdan pyşaq ūrdy» dep aiyptady ǧoi. Aqyr aiaǧynda ol Prigojinnıŋ talabyna könuge mäjbür boldy. Rostovtan zyryldap otyryp Mäskeuge 200 şaqyrym qalǧan kezde toqtady. Putin özınıŋ jalǧyz qalǧanyn tüsındı. Al Prigojinnıŋ äreketı el arasynda «äskeri töŋkerıs jasauǧa bolady eken» degen tüsınık qalyptastyrdy. Būǧan deiın Resei propagandasy halyqqa ötımdı bolsa, qazır oilana bastady. Öitkenı äskeri bülık kezınde eldıŋ köbı Prigojindı qoldady, – deidı äskeri sarapşy Ermek Seiıtbattalov.
Serık Joldasbai “Adyrna” ūlttyq portaly
