Kókshetaý kóshelerin sý basty. Kýágerler aýdandardaǵy sý tasqynyn vıdeoǵa túsirip jatyr, - dep habarlaıdy Tengrinews.kz tilshisi.
"Búgin 04.50-de Qylshaqty ózeninde sý deńgeıi kúrt kóterilip ketti. Ózen jaǵalaýdan ótip, Kókshetaý qalasyndaǵy alty úı men 12 aýla ýchaskesin basyp tastady. Qazir ınjenerlik jumys istelip jatyr, ıaǵnı, Qylshaqty ózeniniń jaǵalaýyna topyraq tógilip, úılerden sý tartylyp jatyr. Sý deńgeıi tómendedi", - dedi IIM basshysy Erlan Turǵymbaev.
Oblys ortalyǵyndaǵy brıfıngte TJD basshysy Alekseı Sovetov sýdyń qaıdan kelgenin aıtyp berdi.
"Qylshaqty ózeninde sý deńgeıi qatty kóterilip ketti. Ózenge qosylǵan sýdyń bir bóligi Kenesary toǵanynan kelgen. Al basym bóligi Ivanovskıı toǵanynan qosylǵan. Biz sý tasqynynyń qaýpin joıyp, Kókshetaý qalasyna tııýi múmkin zaqymdy azaıttyq", - dedi brıfıngte Aqmola oblysy TJD basshysy Alekseı Sovetov. Onyń aıtýynsha, bıyl 31 naýryzda 10-15 santımetrlik qardyń erýi ózendegi sý deńgeıiniń kóterýilýine ákep soqtyrǵan. Qazir sý tasqynyn joıý úshin tehnıkanyń bári jumyldyrylǵan. 15-ke jýyq aýla aımaqtaryn sý basqan. 17.00-ge deıin TJD úılerden sýdy tartyp shyǵaryp, qaýiptiń betin qaıtarýǵa ýáde berdi.
