Bügın – Būqaralyq aqparat qūraldary qyzmetkerlerı künı. Būl mereke 2019 jyly Ükımettıŋ qaulysymen bekıtıldı.
Būryn Täuelsız Qazaqstannyŋ jurnalistikasy künı 10 mamyrda atap ötıldı. Sebebı 1870 jyly däl osy künı qazaq tılındegı alǧaşqy basylym - «Türkıstan uälaiaty» gazetınıŋ alǧaşqy sany jaryq körgen edı.
1997 jyly būl data özgertılıp, jurnalisterdıŋ käsıbi merekesı BAQ turaly qazaqstandyq alǧaşqy zaŋ şyqqan kün 28 mausymǧa belgılendı.
2011 jyldyŋ qazanynda Tūŋǧyş Prezident Nūrsūltan Nazarbaev elımızdegı käsıbi jäne basqa da merekeler tızımınıŋ jaŋa redaksiiasyn maqūldady. Oǧan säikes, 28 mausym Bailanys jäne aqparat qūraldary qyzmetkerlerı künı bolyp bekıtıldı.
Al 2019 jyly prezident Qasym-Jomart Toqaev ükımetke Qazaqstan jurnalisterınıŋ käsıbi merekesın bekıtuge tapsyrma berdı. Söitıp 28 mausym – Būqaralyq aqparat qūraldary qyzmetkerlerı künı dep jariialandy.
Aqparat jäne qoǧamdyq damu ministrlıgınıŋ 2023 jyly aqpan aiynda bergen mälımetterıne süiensek, elde esepke qoiylǧan 5 208 BAQ bar: merzımdı baspa basylymy – 3 686, telearna – 191, radio – 84, şeteldık BAQ – 279 jäne internet BAQ – 968 (onyŋ ışınde aqparat agenttıgı – 543, jelılık basylym – 425).
Bügın Memleket basşysy Qasym-Jomart Toqaev būqaralyq aqparat qūraldary ökılderın käsıbi merekesımen qūttyqtady.
«Ädılettı Qazaqstandy qūru üşın qoǧamda qūndylyqtar jüiesın jaŋǧyrtyp, ūlttyŋ jaŋa sapasyn qalyptastyrudyŋ män-maǧynasy zor. Būl baǧytta eŋbekqorlyq pen bılımpazdyqty, adal azamatqa tän qasietterdı därıpteitın mass-media ökılderı airyqşa röl atqarady. Būqaralyq aqparat qūraldary azamattyq dialog jürgızudıŋ aşyq alaŋyna ainalyp, memleket pen qoǧamnyŋ özara bailanysyn nyǧaituǧa zor üles qosyp jür. Elımızdıŋ jurnalisterı ozyq oi men tyŋ ideialardyŋ taraluyna däneker bolyp, azamattardy tolǧandyratyn özektı mäselelerdı köteredı. Sondai-aq oqiǧalardy jan-jaqty zerdelep, populizm men arandatuşylyqqa tosqauyl bolady. Būl – airyqşa maŋyzdy missiia. Osyndai jauapty qyzmette ärdaiym abyroi biıgınen körıne berıŋızder! Barşaŋyzǧa zor densaulyq, baq-bereke jäne şyǧarmaşylyq tabys tıleimın!»—dedı ol.Aita keteiık, biyl «Dara» prezident bastamalarynyŋ qory atynan memlekettık BAQ-ta jūmys ısteitın qyzmetkerlerge tegın päterler tabystaldy. Olardyŋ arasynda jurnalister, rejisserler, montajerlar, operatorlar jäne basqa da maman ielerı bar.
Ūqsas jaŋalyqtar
