Prezident adamdardy aldap qajylyqqa jıbergen kompaniiany jauapqa tartudy tapsyrdy

4376
Adyrna.kz Telegram
https://adyrna.kz/content/uploads/2023/06/426816f3-5f48-41f4-8bf6-e77dac84a962.jpeg
Memleket basşysy Işkı ıster ministrlıgınıŋ alqa mäjılısın ötkızdı, dep habarlaidy «Adyrna» tılşısı. Qasym-Jomart Toqaev tärtıp saqşylarynyŋ qyzmetıne toqtaldy.
«Tärtıp saqşylarynyŋ qyzmetı oŋai emes. Künı-tünı jūmys ısteitın kezder jiı bolady. Qauıp-qater de bar. Täulık boiy, iaǧni 24 saǧat boiy saqadai sai bolu üşın erekşe qajyr-qairat pen tözımdılık qajet. Sebebı qiyn jaǧdaiǧa tap bolǧan jandar, eŋ aldymen, polisiiadan kömek kütedı. Azamattarymyz sızderge memlekettıŋ, iaǧni bilıktıŋ ökılı retınde qaraidy. Qauıp-qaterden qorǧaidy dep senedı. Sondyqtan sızderge ärdaiym orasan zor jauapkerşılık jükteledı»,—dedı ol.
Prezident köptegen qazaqstandyqtyŋ alaiaqtarǧa aldanyp qalyp jatqanyn da atap öttı.
«Men bügın qoǧamda özektı bolyp tūrǧan taǧy bır mäselege toqtalǧym keledı. Qazır köptegen azamattarymyz alaiaqtardyŋ ailasyna tüsıp, aldanyp qalyp jatyr. Sondyqtan qūqyq qorǧau organdary alaiaqtarǧa qarsy tabandy küres jürgızuge tiıs. Olarǧa eşqandai jeŋıldık jasalmauy kerek. Sebebı alaiaqtardyŋ jasaǧan äreketınen halyq zardap şegude. Mysaly, jaqynda bır turistık kompaniia zaŋǧa baǧynatyn bır top azamatty aldap, olardy qajylyqqa jıbergen. Endı, kınäsız adamdar Saud Arabiiasynyŋ polisiia uchaskesınde qamauda otyruǧa mäjbür. Osyndai alaiaq kompaniianyŋ zaŋǧa qaişy äreketı azamattarymyzdyŋ densaulyǧyna, olardyŋ moraldyq jaǧdaiyna jäne jalpy elımızdıŋ bedelıne ülken nūqsan keltırıp otyr. Būl jerde, ärine, adamdardyŋ qūqyqtyq sauatsyzdyǧy da bar. Endı, memleketımız, iaǧni Syrtqy ıster ministrlıgı olarǧa barynşa kömektesuı qajet. Al Işkı ıster ministrlıgı alaiaq kompaniianyŋ basşylyǧyn, qyzmetkerlerın zaŋǧa säikes jauapqa tartuǧa tiıs. Ädılettı qoǧam qūramyz desek, däl osyndai özektı mäselelerdı şeşuımız kerek»,—dedı Toqaev.
Pıkırler