Elımızdıŋ maŋyzdy ärı bas qalasy Astananyŋ biyl 25 jyldyq mereitoiy toilanǧaly jatyr. Merekenı bas qala qalai toilamaq? “Adyrna” portaly nazarlaryŋyzǧa beibıtşılık qalasy sanalǧan Astanada ötetın merekelık şaralardy ūsynady.
6 şılde - Qazaqstanda Astana künı merekesı. Būl dataly kün kezınde Prezident Nūrsūltan Nazarbaevtyŋ 1998 jyldyŋ 6 mamyryndaǧy jarlyǧymen, iaǧni, Aqmola qalasynyŋ atauy resmi Astana bolyp özgertıluıne bailanysty 10 mausymda toilanǧan. Alaida 2008 jyldan Nūrsūltan Nazarbaevtyŋ tuǧan künıne – şıldenıŋ 6-synan bastap Astana künı auystyrylyp, Qazaqstanda memlekettık mereke bolyp jariialandy. Osylaişa 2009 jyldan bastap şıldenıŋ 6-sy barşa qazaqstandyqtar qos merekenı toilatyp, 1 kün demalady.
Atauly merekege orai:
1 şılde - Amfiteatrda «Aialaǧan Astana» muzykalyq baiqaudyŋ gala-konsertı;
2 şılde - EKSPO alaŋynda köpşılıkke «Dombyra dastan» şou-konsertı;
3 şılde - Beibıtşılık jäne kelısım saraiynda «Altyn mūra» atty Qazaqstannyŋ eŋ üzdık dästürlı änşı, küişı, jyrşylarynyŋ basyn qosqan merekelık konsert;
4 şılde - «Astana» konsert zalynda körermen süiıp köretın «Äzıl älemı» muzykalyq äzıl-ysqaq keşı;
5 şılde - Amfiteatrda «Elorda äuenı» şou-konsertı ötedı. Merekelık ıs-şarada jastardyŋ közaiymyna ainalǧan «NE PROSTO ORCHESTRA», Ratovich, Baǧjan Oktiabr syndy bırqatar ärtıster öner körsetpek.
5-6 şılde künderı EKSPO alaŋynda balalar men eresekterge arnalǧan «Gül Astana» EKO festivalı;
6 şılde - EKSPO alaŋynda OPEN AIR, iaǧni aşyq aspan astyndaǧy merekelık konsert ūiymdastyryp jatyr. Şarada otandyq bırqatar estrada jūldyzdary öner körsetedı dep josparlanuda.
7 şılde künı taŋǧy 11:00-de kıtap süier oqyrmanǧa arnalǧan EKSPO alaŋynda “Kitap fest ASTANA” kıtap dumany;
8 jäne 9 şılde künderı Astanalyq saiabaqtardyŋ bırınde “Jubilee Food Truck” atty köşe taǧamdarynyŋ festivalı ötkelı jatyr.
Eske salatyn jai, 6 şılde — būrynǧy prezident Nūrsūltan Nazarbaevtyŋ tuǧan künı. Qart saiasatker biyl 83-ke tolady.
Ūqsas jaŋalyqtar
