Bügın - Qazaqstannyŋ Diplomatiialyq qyzmet künı, dep habarlaidy “Adyrna” ūlttyq portaly.
1992 jyldyŋ 2 şıldesınde Qazaqstannyŋ tūŋǧyş prezidentı Nūrsūltan Nazarbaevtyŋ Jarlyǧymen elımızdıŋ Syrtqy ıster ministrlıgı qūrylǧan edı.
«QR Prezidentınıŋ 1998 jylǧy 20 qaŋtardaǧy «Qazaqstan Respublikasyndaǧy käsıbi jäne özge de merekeler turaly» №3827 Jarlyǧyna tolyqtyrular engızu turaly» QR Prezidentınıŋ 2009 jylǧy 1 şıldedegı № 837 Jarlyǧymen käsıbi jäne özge de merekeler tızbesınde 2 şılde - Diplomatiialyq qyzmet künı dep tolyqtyrylǧan.Eske salsaq, 2017 jyldyŋ 20 mausymynda Memleket basşysy «Qazaqstan Respublikasynyŋ diplomatiialyq qyzmetı turaly» Qazaqstan Respublikasynyŋ Zaŋyna özgerıster men tolyqtyrular engızu turaly» Qazaqstan Respublikasynyŋ Zaŋyna qol qoidy. Atalǧan zaŋ diplomatiialyq qyzmet organdarynyŋ tiımdılıgın joǧarylatuǧa baǧyttalǧan. Qazaqstan barlyq BŪŪ elderımen diplomatiialyq qarym-qatynas ornatqan. 1992 jyly Bırıkken Ūlttar Ūiymyna müşe bolǧan soŋ, eŋ ırı älemdık jäne aimaqtyq deŋgeidegı ūiymdarǧa müşe atana bastady. Bügınde Qazaqstan Euraziialyq ekonomikalyq odaq, Şanhai yntymaqtastyq ūiymy, İslam yntymaqtastyq ūiymy, Aziiadaǧy özara ıs-qimyl jäne senım şaralary keŋesı jäne basqa da halyqaralyq ūiymdardyŋ beldı müşesı. 2017-2018 jyldarǧa BŪŪ-nyŋ Qauıpsızdık keŋesıne tūraqty emes müşe bolyp sailandy. Atap aitqanda Täuelsızdık jyldarynda Qazaqstan Respublikasyn düniejüzınıŋ memleketerı tanydy. Osy oraida, şetelderde Qazaqstannyŋ diplomatiialyq jäne konsuldyq ökıldıkter jūmys ısteude. Säikesınşe, Almaty men Astanada şeteldık elşılık pen missiia, halyqaralyq jäne ūltaralyq ūiymdardyŋ ondaǧan ökıldıgı jūmys ısteidı.
Ūqsas jaŋalyqtar
