Mäsımov ömırden öttı

Bügın 80 jasynda qoǧam qairatkerı, Qazaqstannyŋ ūlttyq agroönerkäsıp palatasynyŋ basşysy Qajymūqan Qasymūly Mäsımov qaitys boldy. Ol 1939 jyly 18 säuırde düniege kelgen. Omby temır jol, Pavlodar industrialdy jäne Almaty dene şynyqtyru instituttaryn bıtırgen. Qazaq turizm jäne sport akademiiasy sporttyq medisina kafedrasynyŋ qūrmettı professory. 2016 jyldyŋ qaraşa aiynan bastap "Qazaqstannyŋ ūlttyq agroönerkäsıptık palatasy" zaŋdy tūlǧalar jäne jeke käsıpkerler qauymdastyǧy qūryltaişylarynyŋ jalpy jinalysynda töraǧa bolyp sailandy. "Mäsımov sauyqtyru ortalyǧy" JŞS bas direktory, Qazaqstan ioga qauymdastyǧynyŋ prezidentı boldy. Qoştasu räsımı 8 säuırde saǧat 20:00-de Almatydaǧy qabyldau üiınde ötedı. Aqtyq saparǧa şyǧaryp salu räsımı  9 säuırde saǧat 10.00-den 11.00-ge deiın Almaty qalasynda Ǧalymdar üiınde (Ǧylym Akademiiasy) ötedı. 9 säuırde saǧat 13:00-de Qabyldau üiınde as berıledı.