Şanhai yntymaqtastyq ūiymyna müşe elderdıŋ jiynyna qatysqan memleket basşysy bırqatar saiasi özgerıster men ūiym bolyp "bır jūdyryqtai jūmyla" qolǧa alynuy tiıs mäselelerdı söz ettı. Almaty qalasynda Ortalyq Aziia men Auǧanstan üşın tūraqty damu maqsattary jönındegı BŪŪ-nyŋ aumaqtyq ortalyǧyn aşu bastamasyn köterdı, dep habarlaidy "Adyrna" ūlttyq portaly.
Jiyn barysynda Memleket basşysy halyqaralyq qūqyq negızderı men onyŋ maŋyzdy qaǧidatynyŋ, iaǧni teŋdei, bırlesken, bölınbeitın, keşendı jäne tūraqty qauıpsızdıktıŋ būzyluy qalypty jaǧdaiǧa ainalǧanyn aitty.
«Saiasi yqpaly zor, ekonomikalyq mümkındıgı mol jäne orasan zor adam resursyna ie ŞYŪ ornyqty damu maqsattaryna qol jetkızuge jäne adamzattyŋ zamanaui syn-qaterlerın eŋseruge eleulı qosa alatynyna senımdımın. Jahandyq tärtıptı tübegeilı transformasiialau jaǧdaiynda būryn-soŋdy bolmaǧan geosaiasi şielenıstıŋ, sauda jäne sanksiialyq soǧystardyŋ, sondai-aq basqa da zamanaui syn-qaterlerdıŋ küşeie tüskenıne kuä bolyp otyrmyz», – dedı Prezident.Sonymen qatar Qazaqstannyŋ töraǧalyǧymyz kezınde «üş zūlym küşke», transūlttyq ūiymdasqan qylmysqa, zaŋsyz esırtkı ainalymyna jäne kiberqylmysqa qarsy küreske basa män berıletının jetkızdı.
«Terrorizmge, separatizmge jäne ekstremizmge qarsy ıs-qimyl jönındegı 2025-2027 jyldarǧa arnalǧan yntymaqtastyq baǧdarlamasyn jaŋartuǧa küş saluymyz kerek. Būdan bölek, Qazaqstan ŞYŪ-nyŋ 2024-2029 jyldarǧa arnalǧan esırtkıge qarsy strategiiasy men ony jüzege asyru jönındegı Is-qimyl baǧdarlamasyn qabyldaudy ūsynady. Būl şaralardyŋ bärı tūraqtylyqqa jäne ŞYŪ keŋıstıgındegı qauıpsızdıktı jüielı türde küşeituge septıgın tigızedı. Auǧanstandaǧy daǧdarysty eŋseruge arnaiy nazar audarǧan jön bolar edı. BŪŪ-nyŋ üilestıruımen auǧan halqyna körsetıletın kömektı jalǧastyru maŋyzdy, - dedı Prezident.Öz baiandamasyn bırqatar ūsynystarmen tüiındep, Auǧanstan men Ortalyq Aziia üşın Almatydan arnaiy ortalyq aşudyŋ maŋyzyn söz ettı.
Sondyqtan Almaty qalasynda Ortalyq Aziia men Auǧanstan üşın tūraqty damu maqsattary jönındegı BŪŪ-nyŋ aumaqtyq ortalyǧyn aşu jönındegı bızdıŋ bastamamyzǧa taǧy da tiıstı deŋgeide nazar audarudy ūsynamyz. Osy asa qajettı qūrylymǧa sızder qoldau körsetedı dep senemın. AÖSŞK-tı tolyqqandy halyqaralyq ūiymǧa ainaldyru prosesın bastauǧa qoldau körsetkenı üşın ŞYŪ-ǧa müşe memleketterge arnaiy rizaşylyǧymdy bıldıremın», – dedı Memleket basşysy
"Adyrna" ūlttyq portaly
Ūqsas jaŋalyqtar
Memleket basşysy
Qasym-Jomart Toqaev
auǧanstan memleketı
qazaqstan respublikasy
Bırıkken ūlttar ūiymy
şanhai ūiymy
