8 säuırde Pekinde Qazaqstan ūlttyq qauıpsızdık komitetınıŋ töraǧasy Kärım Mäsımov Qytai vise-prezidentı Van Sişanmen kezdestı. Būl turaly Qytaidyŋ CCTV telearnasyna sılteme jasap, Reuters aqparat agenttıgı habarlady.
Ekı tarap "Bır beldeu – bır jol" jobasyn jüzege asyru joldaryn talqylaǧan.
Van Sişannıŋ aituynşa, Qytai prezidentı Si Szinpin men Qazaqstannyŋ bırınşı prezidentı Nūrsūltan Nazarbaevtyŋ strategiialyq jūmystarynyŋ arqasynda ekı tarap tyǧyz bailanys ornatyp, "Bır beldeu – bır jol" jobasyn bırge jüzege asyruda joǧary jetıstıkterge jettı.
Van Qazaqstannyŋ uaqytşa prezidentı Qasym-Jomart Toqaevty "Qytai halqynyŋ dosy" dedı.
Qytai vise-prezidentınıŋ paiymdauynşa, ekı eldıŋ strategiialyq bailanystary aldaǧy uaqytta da jalǧasyn tauyp, ekı halyqtyŋ damuyna septıgın tigızedı.
Kärım Mäsımov ekı eldı strategiialyq serıktes dep atady. Onyŋ sözınşe, Qytaimen bailanysty damytu – Qazaqstannyŋ syrtqy saiasatyndaǧy negızgı maqsattarynyŋ bırı.
Mäsımovtıŋ aituynşa, Qazaqstan Qytaimen qarym-qatynasty odan ärı damytu üşın "Bır beldeu – bır jol" jobasyn jüzuge asyruǧa daiyn.
