Būl oqiǧaǧa qatysty tört küdıktınıŋ ekeuı ūstalyp, ekeuı älı ızdestırılıp jatyr
Tört almatylyqty ūstau kezınde ekı polisei pyşaqtalyp, auyr jaraqatpen auruhanaǧa tüstı, dep habarlaidy Sputnik Qazaqstanqalalyq polisiia departamentınıŋ baspasöz qyzmetıne sılteme jasap.
Qasköiler ızıne tüsken Nauryzbai audandyq kriminaldyq polisiia bölımınıŋ ız kesuşılerınıŋ bırın sol iyǧynan jaraqattasa, ekınşısınıŋ keudesıne, odan soŋ baltyryna pyşaq sūqqan.
"Jaraqat alǧan tärtıp saqşylary №7 qalalyq klinikalyq auruhanaǧa bırden jetkızılıp, ota jasaldy. Qazırgı kezde olardyŋ ömırıne qauıp tönıp tūrǧan joq, jaǧdaiy bırqalypty", - deidı polisiiadaǧylar.
Poliseilerge qarsylyq tanytqan törteudıŋ bırı "Deu Neksia" kölıgın jalǧa beruşı. Oǧan "qoqan-loqy körsettı, aqşa bopsalady" degen aiyp taǧyluda.9 säuırde Nauryzbai audandyq polisiia basqarmasyna "Deu Neksia" kölıgın jalǧa aluşy azamat şaǧym tüsırgen. Onyŋ aituynşa, ol jalǧa alǧan kölıktıŋ soŋǧy ekı küngı tölemın keşıktırgen. Osy kezde kölık qojaiyny qasyna bır jıgıttı ertıp kelıp, ony syrtqa şyǧaryp alyp sabap, ekı ūialy telefonyn tartyp alady. Söitıp qaryz bolǧan 14 myŋ teŋgenıŋ ornyna 40 myŋ teŋge äkeludı talap etedı. Būl ıs sotqa deiıngı tergeudıŋ bıryŋǧai tızımıne engızıldı.
Osy ıstı zertteudı qolǧa alǧan polisiia qyzmetkerlerı aqşa bopsalauşylardy aldap kezdesuge şaqyrady. Kezdesuge 4 jıgıt keledı. Osy kezde olar qarsylyq körsetıp, poliseilerdı pyşaqtap qaşady.
"Būl qylmystyq ıstı aşu üşın qalada "Ūstau" jospary jariialandy. Arnaiy tergeu toby qūryldy. Nätijesınde olardyŋ ekeuı ūstalyp, ekeuı älı ızdestırılıp jatyr. Küdıktıler uaqytşa ūstau izoliatoryna toǧytyldy. QR Qylmystyq kodeksınıŋ 380-baby, 1-tarmaǧy boiynşa, iaǧni "Qūqyq qorǧau organy qyzmetkerlerınıŋ ömırıne qauıp töndıru" faktısı boiynşa sotqa deiıngı tergeu ısı qozǧaldy", - deidı polisiiadaǧylar.
