Qaruly küşter - el täuelsızdıgınıŋ berık qorǧany

Bügın Şymkent qalasynda 7 mamyr – Otan qorǧauşylar künıne arnalǧan saltanatty jiyn öttı. Sahna törıne elımızdıŋ Memlekettık Tuy saltanatty jaǧdaida şyǧarylyp, Memlekettık Gimnı şyrqalyp, köpşılıktıŋ ruhyn köterıp tastady. Saltanatty jiynǧa Şymkent qalasynyŋ äkımı Mūrat Äitenov qatysyp, jauyngerlerdı merekesımen qūttyqtady. —Būl – halqymyzǧa tän batyrlyqtyŋ jäne Otansüigıştıktıŋ merekesı. Babalarymyz aq bılektıŋ ūşymen, aq naizanyŋ küşımen keŋ baitaq dalamyzdy qorǧap, bügıngı ūrpaqqa amanattap qaldyrǧan. Babalardyŋ amanatyna adal bolu – bügıngı ūrpaqtyŋ perzenttık paryzy. Sebebı, tarih qoinauyndaǧy erlıkke toly jeŋıstı jolymyz ūrpaq jadynda mäŋgı saqtaluy tiıs. Biyl Qazaqstan Qaruly Küşterınıŋ qūrylǧanyna 31 jyl tolyp otyr. Osy jyldar ışınde ūlttyq armiiamyz türlı damu satylarynan ötıp, jyldan jylǧa quaty artyp keledı. Bügınde daiyndyq deŋgeiı joǧary, jauyngerlık ruhy asqaq, zamanaui qaru-jaraq jäne äskeri tehnikamen jabdyqtalǧan. Bır auyz sözben aitsaq, aibyndy armiiamyz – tūǧyrly Täuelsızdıgımız men memleketımızdıŋ berık qorǧany bolyp tabylady, - dedı Mūrat Düisenbekūly. M.Äitenovtıŋ aituynşa, älemde qalyptasqan geosaiasi ahual el Täuelsızdıgı men territoriialyq tūtastyqty qorǧaudy, ūlttyq qauıpsızdıktı qamtamasyz etudı qai kezdegıden de özektı mäselege ainaldyryp otyr. —Otan qorǧau – perzenttık paryz, märtebelı mındet. Elımızdıŋ tynyştyǧy men jerımızdıŋ tūtastyǧyn saqtau jolynda qaltqysyz qyzmet etıp jürgen erjürek jauyngerlerımızdıŋ eŋbegı eren. Halqymyz antyna adal, sertıne berık perzentterın qadır tūtady, - dedı şahar basşysy. Saltanatty jiynda qala äkımı M.Äitenov bırqatar äskeri qyzmetkerlerdı Alǧys hatpen marapattady. Sonymen qatar jiynda «Oŋtüstık» öŋırlık qolbasşylyǧy äskerlerınıŋ qolbasşysy, general-maior Mereke Köşekbaev Qaruly küşterdıŋ ardagerlerı men jauyngerlerdı merekesımen qūttyqtap, mınsız qyzmet atqarǧan sardarlar men sarbazdardy marapattady. Jiynnyŋ soŋy Şymkent äskeri garnizony sarbazdary, qaladaǧy äskeri oqu oryndary kursanttary men estrada jūldyzdary qatysqan merekelık konsertke ūlasty.