Shymkent qalasynda 9 mamyr – Jeńis kúni merekesi joǵary deńgeıde atap ótildi. Merekege oraı Abaı saıabaǵynda ornalasqan Dańq monýmentindegi Máńgilik alaýǵa gúl shoqtaryn qoıý rásimi ótti.
Oǵan Shymkent qalasynyń ákimi Murat Áıtenov pen qalalyq máslıhattyń tóraǵasy Bahadyr Narymbetov, soǵys jáne tyl ardagerleri men qaza bolǵan jaýyngerlerdiń urpaqtary, áskerı qyzmetshiler men quqyq qorǵaý organdarynyń qyzmetkerleri de qatysty.
Jınalǵan kópshilik Uly Otan soǵysy jyldarynda maıdanda qaza tapqan jaýyngerlerdi bir mınýt únsizdikpen eske alyp, olardyń rýhyna taǵzym etti.
Aıta keteıik, 1941-1945 jyldary Shymkent qalasy men ońtústik óńirden 140 myńnan astam jaýynger soǵysqa attanyp, olardyń jartysyna jýyǵy týǵan jerine qaıta oralmaǵan.
Gúl shoqtaryn qoıý rásiminen keıin qala ákimi M.Áıtenov Abaı saıabaǵy aýmaǵynda arnaıy jasaqtalǵan dalalyq-áskerı lagerge kelip, soǵys jáne tyl ardagerlerimen birge teatrlandyrylǵan qoıylymdy tamashalady. Onda ónerpazdar maıdan dalasynan kórinister qoıyp, soǵys jyldarynyń áıgili ánderin shyrqady.
