Almaty oblysynda bırqatar medisinalyq mekemelerge memleket pen jekemenşıktıŋ ärıptestıgı arqyly kürdelı jöndeu jūmystary jürgızıldı. Atap aitqanda 2020 jyly senımgerlık basqaru qūqyǧyna ie bolǧan «A-CLASS MEDICAL» JŞS Talǧar audandyq auruhanasyna qarasty 27 nysanǧa kürdelı jöndeu jūmystaryn jürgızdı. Auruhana qazır medisinalyq qyzmetterdıŋ barlyq siklın ūsynyp otyr. Sonymen qatar memlekettık-jekemenşık ärıptestık negızınde 4 jaŋa medisinalyq ortalyq paidalanuǧa berıldı. Atap aitqanda Eŋbekşıqazaq audanyndaǧy Dostyq auyly men Q. Ūltaraqov auylynda, Talǧar audany Qyzyl Qairat auyly jäne Ile audanyndaǧy Chapai auylynda medisinalyq ortalyqtarǧa kürdelı jöndeu jūmystary jasaldy. Zamanaui medisinalyq jabdyqtarmen jabdyqtalǧan barlyq ortalyqtarda halyqqa qajettı beiındı mamandar medisinalyq qyzmet körsetıp otyr.
Densaulyq saqtau basqarmasynyŋ basşysy Aqtaeva Läzzat Meiraşqyzy oblysta densaulyq saqtau infraqūrylymyn damytudyŋ öŋırlık perspektivalyq jospary boiynşa jūmystar atqarylyp otyrǧanyn atap öttı.
– Bügıngı taŋda Almaty oblysyndaǧy 340 memlekettık mekemenıŋ ışınde 40 nysannyŋ infraqūrylymyn jaqsartu qajet. Ol üşın memlekettık-jekeşelık ärıptestık tetıgın qoldanu jönındegı ūsynystar qaralyp jatyr.
93 mekemenıŋ infaqūrylymy jaqsartyldy. Atap aitqanda 2022 jyly 30 nysan, 2023 jyly 44 nysannyŋ jūmysy aiaqtaldy. Al 2024 jyly 19 nysanda aiaqtau josparlanǧan, – dedı basqarma basşysy.
Memlekettık-jekeşelık ärıptestık jobasy – densaulyq saqtau nysandaryn saluda biudjet qarajatyn ünemdeuge, zamanaui medisinalyq qūrylǧylarmen jabdyqtalǧan jaŋa ǧimarattardy saluǧa mümkındık beredı.
Oblysta jergılıktı biudjetten bölıngen qarajatqa 2022 jyly 4 nysanǧa, 2023 jyly 1 nysanǧa jöndeu jūmystary jürgızıldı. Sondai-aq 6 medisinalyq mekeme kürdelı jöndeuden öttı. 2023 – 2024 jyldary 5 mekemede kürdelı jöndeu jūmystaryn jürgızu josparlanǧan.
Sonymen qatar 2022 jyly 4 nysannyŋ qūrylysy aiaqtalyp, 16 blokty-moduldık keşen qoldanysqa berıldı. 2023 jyly 11 blokty-moduldık keşen ornatu jūmystary aiaqtalady.
2023 jyly jergılıktı biudjetten bölıngen qarajatqa 6 obektıde qūrylys-montajdau jūmystary (2 emhana; 2 därıgerlık ambulatoriia; 1 feldşerlık-akuşerlık punkt; 1 medisinalyq punkt) jürgızıledı, onyŋ 4-uı 2023 jyly, 2-uı nysannyŋ jūmysy 2024 jyly (2-emhana) aiaqtalady dep josparlanyp otyr.
Sonymen qatar respublikalyq biudjetten bölıngen qarajatqa 2 auruhanany jaŋǧyrtu jūmystary 2024 jyly aiaqtalady. 2023 jyly 27 MSAK obektısın, 2024 jyly 11 obektını salu közdelgen.
