Medeu audanynda sudy beru men sudan ajyratudyŋ uaqytşa kestesı aǧymdaǧy jylǧy 27 şıldedegı saǧat 14.00-den 28 şıldedegı saǧat 19.00-ge deiıngı kezeŋde qoldanysta bolady. Būl jönınde «Almaty Su» Medeu audanynyŋ tūrǧyndaryna su beru jäne sudan ajyratu kestesın äzırledı, dep habarlaidy “Adyrna” ūlttyq portaly.
Medeu audanynyŋ oŋtüstık bölıgın sumen jabdyqtaudyŋ şekteulı jaǧdaiy tek tabiǧi qūbylystarǧa bailanysty. Būryn habarlanǧandai, mūzdyqtardyŋ qatty eruıne bailanysty, qalypty jylu, sel aǧyndary jäne özen jaǧalaularynyŋ şaiylyp, lailanuynyŋ saldarynan tauly özenderde bastapqy sudyŋ lailanuynyŋ öte joǧary konsentrasiiasy saqtaluda. Sondyqtan su tazartu stansiialarynda su daiyndau üşın qajettı su kölemın alu uaqytşa jüzege aspauy mümkın. Öitkenı,sudy zerthanalyq zertteu saǧat saiyn jürgızıledı. Süzgı stansiiasy arqyly tūraqty sumen qamtamasyz etu üşın lailanu deŋgeiı 30-40 mg/dm3 deiın tömendeuı tiıs. Qazırgı uaqytta ol 170-340 mg/dm3 aralyǧynda.
Rezervuarlarda sudy toltyru üşın äzırlengen uaqytşa keste qajet.
27 şıldede saǧat 14: 00 –den 28 şıldede saǧat 19.00-ge deiın Omarov köşesınıŋ oŋtüstıgınde (joǧaryda) ornalasqan tūtynuşylarǧa, onyŋ ışınde Kerei-Jänıbek handary köşesınıŋ ekı jaǧynda ornalasqan 25 KTK (köppäterlı tūrǧyn üiler): «Dostyq rezidentterı» TK Mitin 4, Chaikin köşesı 3, 3a, Dostyq daŋǧyly 296, 294/2, 290, 278, 276, Taimanov köşesı 222, 224, Dostyq daŋǧyly 248, 272, 274, 270, 268, 266, 123, 123/3, 123/2, 123/1, 121, 121/3, 121/1, 121/5.
27 şıldede saǧat 17: 00-den 24.00-ge deiın «Esentai», «Aq Bota», «Tau Şatyr», «LaVerde», «Blekberri hills», Taimanov k-sı boiynşa KTK (köppäterlı tūrǧyn üi keşenderı) su berıle bastaidy.
28 şıldede saǧat 7:00-den 14:00-ge deiın äl-Farabi, Luganskii, Chaikina, Taimanov köşelerınıŋ konturyndaǧy köppäterlı tūrǧyn üige su berıle bastaidy.
Omarov köşesınıŋ oŋtüstıgındegı eldı mekenderge su beru 28 şılde künı saǧat 19:00-ge josparlanǧan.
Saǧat 14.00-den 19.00-ge deiın jäne saǧat 00:00-den 07:00-ge deiın rezervuarlarǧa su jinalatyn bolady.
Sumen qamtamasyz etudıŋ körsetılgen kestesı tabiǧi qūbylystarǧa jäne jaǧdailarǧa bailanysty tüzetıletın bolady. Barlyq özgerıster turaly qosymşa habarlanady.
Uaqytşa qolaisyzdyqtarǧa tüsınıstıkpen qaraudy jäne mümkındıgınşe suarudy şekteudı jäne sudy ünemdeudı sūraimyz.
Tūrǧyndar üşın jelıge berıletın su kölemın ūlǧaitu maqsatynda su tūtynudyŋ ülken kölemı bar obektıler (avtojuu, monşa) sudan uaqytşa ajyratyldy. Äleumettık nysandar täulık boiy tasymaldanatyn sumen qamtamasyz etıledı.
Ortalyqtandyrylǧan sumen jabdyqtau bolmaǧan kezeŋde sudy avtosisternalarmen tasymaldau jüzege asyrylady. 27 şıldeden bastap su jetkızu boiynşa arnaiy kölıkterdıŋ jalpy sany 18 bırlıkke deiın ūlǧaityldy.
Sumen qamtamasyz etu mäselelerıne bailanysty ötınışter üşın jedel jelıler ūiymdastyryldy. Bıryŋǧai dispetcherlık qyzmettıŋ telefony: 109.
«Almaty Su» MKK dispetcherlık qyzmetıne kelesı nömırler boiynşa habarlasuǧa boldy: 274-66-66, +7 777 852 91 01.
Sondai-aq, auyz sudy (su tasyǧyştardy) tasymaldau jäne biotualetterdı ornatu mäselelerı boiynşa ötınımder Medeu audany äkımı apparatynyŋ myna nömırı boiynşa qabyldanady: + 7 775 594 90 94.
Aita keteiık, Medeu audanynyŋ oŋtüstık bölıgındegı sumen jabdyqtau şektelgen aimaqta 50 köppäterlı üi, 4 047 jeke tūrǧyn üi bar.
