Astanada avtobýs júrgizýshisi týra kólik tizgininde kóz jumdy. Kýágerlerdiń aıtýynsha, 62 jastaǵy azamat kenetten esinen tanyp, rólge ıe bola almaı qalǵan. Bul týraly KTK telearnasy jarııalady, dep habarlaıdy “Adyrna” ulttyq portaly.
2023 jyldyń 27 shildesinde saǵat 10.37 shamasynda IVECO markaly marshrýttyq avtobýsty basqarǵan 1961 jyly týǵan júrgizýshi, Áýezov kóshesine qaraı Bógenbaı batyr dańǵylymen Beıbitshilik kóshesi jaǵynan kele jatyp, rýlge ıe bola almaı úıge qaramaqarsy turǵan jaıaý júrginshilerge arnalǵan jol belgisimen qorshaýǵa soqtyǵysqan, - deıdi Astana qalasy PD resmı ókili Nuraly Táńirbergenov.
Abyroı bolǵanda jolaýshylar arasynda zardap shekkkender joq. Al oqıǵa ornyna jedel járdem dereý jetkenimen, júrgizýshi aýrýhanaǵa jetpesten, avtobýs ishinde til tartpaı ketti. Dárigerler ólimniń negizgi sebebi - júrek talmasy bolýy múmkin dep otyr. Marqumnyń jolaýshylar avtobýsyn tizgindeginine 15 jyldan astam ýaqyt bolǵan. Jaýapty kompanııanyń aıtýynsha, júrgizýshi eki kúndik demalysynan búgin ǵana shyǵypty. Tańǵy ýaqytta medıınalyq tekserýden ótkende densaýlyǵynda esh kinárat bolmaǵan.
