Jalǧan qūjat jasap "Altyn alqa", "Kümıs alqa" ielenıp, memleketten järdemaqy alyp kelgen analar anyqtaldy.
Şyǧys Qazaqstan oblysy, Ürjar audany, Naualy auylynda osyndai jalǧan qūjat jasatyp, zaŋsyz äreketke bardy degen küdıkpen segız ana tergelıp jatyr. Qylmystyq ıs qozǧalyp, zaŋ organdary audandaǧy özge de auyldardy tekseruge köştı. Būl turaly Qazaqstan telearnasy habarlady.
Jymysqy jolmen järdemaqy alyp kelgen äielderdı auyldastary aŋǧarǧan. Ekı balasy bola tūryp, Batyr Ana atanǧandardy körıp aŋ-taŋ bolǧan jergılıktı tūrǧyndar äkımşılıkke şaǧymdanǧan. Işınde bır balamen alǧandar da bar eken. Auyl äkımı jalǧan qūjatty aŋǧarmai qaldyq deidı. Jetpegen balalar Qytaida tūryp jatyr dep aitty degen soŋ senıp qalǧan. Küieuınıŋ būrynǧy äielınıŋ Qytaidaǧy balalaryn da tırketıp alǧandar bar eken.
Qazır tergeudegı segız adamnyŋ beseuınıŋ üstınen qylmystyq ıs qozǧaldy. Qūjatty jasap jürgen 2 adam qamauǧa alyndy. Jalǧan qūjatpen järdem aqy alyp kelgender köp boluy mümkın degen küdıkpen qazır barlyq auyldar tekserılude.
"Adyrna" ūlttyq portaly
