Balqaşta därıger tapşylyǧy mäselesın şeşuge kömektesetın äleumettık joba jalǧasuda. Bes balqaştyq Qaraǧandy medisina universitetınde oquǧa grant alady. Oqytudy «Kounrad» korporativtık qory qarjylandyrady.
«Būl joba ötken jyly engızıldı. Bes balqaştyq qazırdıŋ özınde «Kounrad» qorynyŋ esebınen Medisina universitetınde bılım aluda. Biyl taǧy bes adam – Balqaş qalasyndaǧy mektep nemese medisinalyq kolledj tülekterı konkurs arqyly ırıkteledı. Mındettı şart – oqudan ötkennen keiın tuǧan qalasyna jūmysqa oralu», – dep habarlady Qaraǧandy oblysy densaulyq saqtau basqarmasynyŋ Balqaş aimaqtyq bölımınen.
Oquǧysy keletınder bar. Konkursqa qatysu üşın qūjattar 1 tamyz ben 15 tamyz aralyǧynda Balqaş qalasy, Auruhana qalaşyǧy mekenjaiy boiynşa ornalasqan densaulyq saqtau bölımşesınde qabyldanady. Anyqtama telefony: (8-71036) 7-99-44.
Ümıtkerlerdı arnaiy komissiia qaraidy. Qordyŋ resmi saitynda bılım grantyn taǧaiyndau erejelerımen (https://kounrad.kz/download/2023.pdf) tolyq tanysuǧa bolady. Oqytu «Jalpy medisina» baǧdarlamasy boiynşa jürgızıledı. Oqudy bıtırgennen keiın jas maman Balqaş qalasynyŋ emdeu mekemesınde kemınde 5 jyl jūmys ısteuı kerek.