Qaraǧandy oblysynyŋ ekonomikasyna jyl basynan berı 680 milliard teŋgege juyq investisiia qūiyldy

1958
Adyrna.kz Telegram
https://adyrna.kz/content/uploads/2024/11/effe67e2de9eeebfdd3871e7f7d68b43_1280x720.jpg

Qaraǧandy oblysynyŋ ekonomikasy tūraqty damyp keledı. Önerkäsıptık öndırıs pen investisiia kölemı  ösude. Ekı jaŋa käsıporyn jūmys ıstei bastady. Būl polietilen qūbyrlaryn öndıretın jäne  bolat su jylytatyn gaz qazandyqtaryn şyǧaratyn käsıporyndar.  Taǧy segız joba ıske qosylady dep kütılude. Qarmetke jaŋa investordyŋ keluımen toqtap tūrǧan kenışter qalpyna keltırıldı. Jaŋa investordyŋ keluımen Qarmet kompaniiasynda jūmys ıstemegen şahtalar qalpyna keltırıldı.

Būl turaly oblys äkımı Ermaǧanbet Bölekpaev Ortalyq kommunikasiialar qyzmetınde ötken brifingte mälımdedı. Aimaq basşysy  halyqtyŋ ömır süru sapasyn jaqsartu jönındegı memleket basşysynyŋ  tapsyrmalarynyŋ oryndaluy turaly baiandady.

– Jyl basynan berı oblystyŋ ekonomikasyna 679,1 mlrd teŋge investisiia qūiyldy. Būl ötken jyldaǧy osy  kezeŋımen salystyrǧanda 14,6 %-ǧa artyq. Oblys kartasynda ekı jaŋa käsıporyn paida boldy. Jyl soŋyna 200 mlrd teŋgeden astam  investisiia tartylǧan  taǧy 8 jobany ıske qosamyz. Būl  2600 jaŋa jūmys ornyn qūruǧa mümkındık beredı.  Irı jobalardyŋ qatarynda mys jäne ferrosilisii öndıretın zauyttar bar, – dedı Ermaǧanbet Bölekpaev.

Onyŋ aituynşa, jyl basynan berı ekonomikanyŋ ösuı 13,1 % qūrady.

Önerkäsıp öndırısınıŋ kölemı 2,8 trln teŋgeden asty. Negızgı bölıgı öŋdeu önerkäsıbıne tiesılı. Būl 2,2 trln teŋge.

Oblys äkımı Qarmet kompaniiasynyŋ qyzmetıne jeke toqtaldy.

– Özderıŋız bıletındei, byltyr  Memleket basşysynyŋ tapsyrmasymen öŋırdegı eŋ ırı Qarmet käsıpornynda investor auysyp, alyp käsıporynda qaita jaŋǧyru bastaldy. Metallurgiialyq kombinatta şoiyn, bolat jäne jalpaq prokat öndırısı artty .Jaŋa investorǧa auysqan kezde segız şahtanyŋ üşeuı ǧana jūmys ıstep tūrǧan edı.  Qazır  jetı şahta jūmys ıstep tūr. Ūŋǧyma kenjarlarynyŋ sany 11-den 45-ke deiın ūlǧaityldy. Būl bolaşaqqa arnalǧan negız, ol şahtalardyŋ köp jyldar boiy jūmys ısteuın qamtamasyz etedı, – dep atap öttı Ermaǧanbet Bölekpaev.

Kenşılerdıŋ qauıpsızdıgı üşın ızdeu jäne pozisiialau jüiesı engızıldı. Qazır būl jüie «Qazaqstan» jäne «Küzembaev» atyndaǧy ekı şahtada jūmys ısteidı.  Kelesı jyly barlyq şahtalar qamtylmaqşy.

Pıkırler