Qaraǧandy oblysyndaǧy Şahtinskıde «Taza Qazaqstan» respublikalyq ekologiialyq aksiiasy aiasynda auqymdy senbılık öttı.
Balalar men eresekter tuǧan qalasyn odan ärı jasyl, taza ärı jaily etu maqsatynda bırlesıp eŋbek ettı. Ortalyq saiabaqta oquşylar men erıktıler 200 qaraǧaş köşetın enıp, tabiǧatty qorǧap, aialauǧa uäde berdı.
Aǧaş egu ıs-şarasyna balalarmen qatar olardyŋ ata-analary men ūstazdary da belsendı qatysty. Qala tūrǧyndary süiıktı demalys orny sanalatyn saiabaqta jiı tynyǧady, endı ol būrynǧydan da körıktı jäne jaily bolmaq. Qatysuşylar ekologiialyq mädeniettı arttyruda bırlesken eŋbektıŋ maŋyzy zor ekenın atap öttı.
Arnaiy qoiylǧan bannerde ärkım öz tılegı men ızgı nietın qaldyrdy. Balalar tabiǧatqa rizaşylyq sezımderın, taza ärı jasyl bolaşaq turaly armandaryn, sondai-aq aǧaştardy kütıp-baptauǧa jäne qoqys tastamauǧa degen uädelerın jazyp qaldyrdy.
Ūiymdastyruşylardyŋ aituynşa, «Taza Qazaqstan» — bır rettık aksiia emes, elımızdıŋ ärbır tūrǧynynyŋ tabiǧatqa degen jauapkerşılıgı men ekologiialyq sanasyn qalyptastyruǧa baǧyttalǧan ūzaq merzımdı bastama.
