Qytaıdyń Chendý qalasynda ótip jatqan jazǵy Ýnıversıadada Qazaqstan quramasy alǵashqy altyndy qanjyǵalady, dep habarlaıdy "Adyrna" ulttyq portaly.
Búgin Ýnıversıdada 46 keli salmaqta fınalda taekvondoshy Rıta Bákisheva altyn qanjyǵalady. Qazaqstandyq sportshynyń qarsylasy 2022 jylǵy Álem chempıonatynyń qola júldegeri bolǵan qytaılyq Taıpeıden kelgen Hýan In Sýan.
Eske sala keteıik, Ótken jyly Qazaq týrızm jáne sport akademııasynyń (Almaty) stýdenti, 19 jastaǵy Bákisheva ótken jyly Azııa chempıonatynda qola júldege qol jetkizip, Álem chempıonatynda júldege bir qadam jetpeı qalǵan edi. Osy jylǵy baıqaýda qazaq qyzy qarymta qaıtardy.
Al qazaqstandyq gımnast Eljana Tanıeva el qorjynyn taǵy eki júldemen tolyqtyrdy. Sportshy lentamen jekeleı synda tek Vengrııa men Ýkraınadan kelgen qarsylastarynan utylyp, "qola" ıegeri atandy. Al doppen jekeleı synda bolgarııalyq gımnasttan basym túsip, vengrııalyqtan jeńilip, kúmis júlde jeńip aldy.
Dzıýdoshy Bekarys Sádýaqas 2023 jylǵy Ýnıversıadanyń qola júldegeri atandy. 100 keli salmaqta úshinshi oryn úshin ótken kezdesýde Bekarys franýz Kennı Levezeden basym tústi.
Sondaı-aq Dıana Tursynbek Ýnıversıadada sadaq atýdan fınalda óner kórsetti. Sheshýshi kezeńde Dıananyń qarsylasy ońtústikkoreıalyq Choı Mı Sýn boldy. Nátıjesinde 6:2 esebimen Ońtústik Koreıa sportshysy jeńiske jetti. Osylaısha ol altynnan alqa taǵynsa, qazaqstandyq sportshy kúmis júldeger atandy.
Jalpy esep boıynsha Ýnıversıadada Qazaqstan quramasy altyn medaldan bólek, 5 kúmis jáne 5 qola medal ıelendi.
"Adyrna" ulttyq portaly
